وڭىردەگى گاز قۇيۋ ستانسالارى نەگىزىنەن قوعامدىق عيماراتتاردان جانە اۆتوجولداردان بەلگىلى ءبىر قاشىقتىقتا ورنالاسۋ نورمالارىن بۇزعان, دەپ حابارلايدى Egemen.kz.
وتكەن جىلى پاۆلودار وبلىسى توتەنشە جاعدايلار دەپارتامەنتىنىڭ قىزمەتكەرلەرى ءتۇرلى زاڭ بۇزۋشىلىقتارعا جول بەرگەنى ءۇشىن 94 اۆتوگاز بەكەتىنىڭ 32-ءسىنىڭ قىزمەتىن ۋاقىتشا توقتاتقان.
«كەمشىلىكتەردىڭ باسىم بولىگى قاۋىپسىز اراقاشىقتىقتىڭ ساقتالماۋىنا قاتىستى. قۇرىلىس نورمالارى بويىنشا گاز قۇيۋ ستانسالارى قوعامدىق عيماراتتاردان كەمىندە 50 مەتر جانە جولدان 10 مەتر قاشىقتىقتا ورنالاسۋى ءتيىس», دەيدى وڭىرلىك توتەنشە جاعدايلار دەپارتامەنتى باستىعىنىڭ ورىنباسارى ماقسات جۇمابەكوۆ.
زاڭ بۇزۋشىلىقتار جويىلعاننان كەيىن اۆتوگاز بەكەتتەرى ءوز جۇمىسىن قايتا جالعاستىرعان.
ەسكە سالا كەتەيىك, قازىرگى ۋاقىتتا ءماجىلىس دەپۋتاتتارى قاراپ جاتقان جاڭا زاڭ جوباسى بويىنشا كەلەشەكتە اۆتوگاز قۇيۋ ستانتسيالارى رەزەرۆۋارلارىن جەر استىنا ورنالاستىرۋعا مىندەتتەلەدى. 2031 جىلعا قاراي قازاقستانداعى بارلىق گاز بەكەتتەرىنىڭ رەزەرۆۋارلارى جەر استىندا ورنالاسۋى ءتيىس بولادى.