زەرتتەۋ ەلىمىزدىڭ 20 وبلىسى مەن رەسپۋبليكالىق ماڭىزى بار 3 قالاسىن تولىق قامتىدى, دەپ حابارلايدى Egemen.kz.
ەلىمىزدىڭ جاڭا كونستيتۋتسيا جوباسى بويىنشا جالپىحالىقتىق رەفەرەندۋم قارساڭىندا قوعامدا قولايلى كوڭىل-كۇي ساقتالىپ وتىر. 18 جاستان اسقان 1 200 رەسپوندەنتتىڭ قاتىسۋىمەن جۇرگىزىلگەن تەلەفوندىق ساۋالناما ناتيجەلەرى وسىنداي قوعامدىق كوڭىل-كۇيدى ايقىن كورسەتتى. زەرتتەۋ ەلىمىزدىڭ 20 وبلىسى مەن رەسپۋبليكالىق ماڭىزى بار 3 قالاسىن تولىق قامتىدى.
ساۋالناما ناتيجەلەرى حالىقتىڭ حاباردارلىق دەڭگەيى ايتارلىقتاي جوعارى ەكەنىن كورسەتتى, ياعني, ازاماتتاردىڭ باسىم بولىگى جوبا مازمۇنىمەن بەلگىلى ءبىر دەڭگەيدە تانىس نەمەسە ول تۋرالى ەستىگەن. ساۋالناماعا قاتىسۋشىلاردىڭ 22,5%-ى جاڭا كونستيتۋتسيامەن تانىس ەمەس ەكەنىن ايتقان.
كونستيتۋتسيا جوباسى حالىق تاراپىنان ەلەۋلى قولداۋعا يە ەكەنى بايقالادى. جالپى العاندا كونستيتۋتسيامەن قانداي دا ءبىر دەڭگەيدە تانىس رەسپوندەنتتەردىڭ 78,8%-ى قۇجاتتى قولدايدى, ونىڭ ىشىندە 31,7%-ى تولىق قولدايتىنىن بىلدىرسە, 47,1%-ى كوبىنە قولدايتىنىن اتاپ وتكەن.
وزدەرىنىڭ كۇندەلىكتى ومىرىنە جانە قۇقىقتىق مارتەبەسىنە تىكەلەي اسەر ەتەتىن ماسەلەلەر ازاماتتاردىڭ ەرەكشە قىزىعۋشىلىعىن تۋدىرىپ وتىر. حالىق ەڭ كوپ تالقىلاناتىن ءۇش نەگىزگى تاقىرىپ كەلەسىدەي:
1. ازاماتتاردىڭ قۇقىقتارى مەن بوستاندىقتارى – 35,3%; 2. الەۋمەتتىك كەپىلدىكتەر (بىلىم بەرۋ, دەنساۋلىق ساقتاۋ, زەينەتاقى) – 29,5%; 3. ەكولوگيا ماسەلەلەرى – 18%.
سونىمەن قاتار ءبىلىم مەن عىلىم سالاسىنا (17,3%) دا ايتارلىقتاي كوڭىل بولىنگەن. ياعني ازاماتتاردىڭ قىزىعۋشىلىق قۇرىلىمى ەڭ الدىمەن ولاردىڭ الەۋمەتتىك جاعدايى مەن ءومىر ساپاسىنا تىكەلەي ىقپال ەتەتىن نورمالارعا باعىتتالعان.
ساۋالناماعا قاتىسقانداردىڭ باسىم بولىگى قۇجاتتى دايىنداۋ جۇمىسىن دا وڭ باعالاپ وتىر. رەسپوندەنتتەردىڭ 68,3%-ى «كونستيتۋتسيالىق كوميسسيا وزىنە جۇكتەلگەن مىندەتتى ورىنداي الدى» دەپ ەسەپتەيدى, ونىڭ ىشىندە 16,4%-ى بۇعان تولىق سەنىمدى, 49,8%-ى بۇل باعالاۋمەن نەگىزىنەن كەلىسەدى.
سونداي-اق, ساۋالناما ناتيجەلەرى ەلەكتورالدىق بەلسەندىلىكتىڭ جوعارى دەڭگەيىن كورسەتەدى. «2026 جىلدىڭ 15 ناۋرىزىندا جاڭا كونستيتۋتسيانى قابىلداۋ بويىنشا رەفەرەندۋم وتەدى. ءسىز وعان قاتىساسىز با؟» دەگەن سۇراققا رەسپوندەنتتەردىڭ 71,4%-ى وڭ جاۋاپ بەرگەن. ونىڭ ىشىندە 32,9%-ى سايلاۋ ۋچاسكەلەرىنە مىندەتتى تۇردە كەلەتىنىن ناقتى ايتسا, 38,5%-ى داۋىس بەرۋگە قاتىسۋىنىڭ ىقتيمال ەكەنىن جەتكىزگەن.
كونستيتۋتسيالىق رەفورمانى تالقىلاۋ نەگىزىنەن تۇلعاارالىق سيپاتقا يە. ازاماتتار بۇل ماسەلەلەردى كوبىنە وتباسى مۇشەلەرىمەن (37,6%), دوستارى جانە تانىستارىمەن (34,5%), سونداي-اق ارىپتەستەرىمەن (30,1%) تالقىلايدى. تسيفرلىق ورتاداعى پىكىر الماسۋ سالىستىرمالى تۇردە سيرەك كەزدەسەدى (17,9%).
الەۋمەتتىك جەلىلەر ماڭىزدى اقپارات كوزى بولىپ قالا بەرگەنىمەن, قولدانۋشىلاردىڭ باسىم بولىگى باقىلاۋشى پوزيتسياسىندا قالىپ وتىر: ولاردىڭ 59,8%-ى پىكىرتالاسقا قاتىسپاي, جاريالانىمداردى تەك وقۋمەن شەكتەلەدى.
وسىلايشا, ساۋالناما ناتيجەلەرى جاڭا كونستيتۋتسيا جوباسىنىڭ قوعام تاراپىنان جالپى العاندا جاعىمدى قابىلداناتىنىن, حالىقتىڭ حاباردارلىق دەڭگەيى جوعارى ەكەنىن جانە ازاماتتاردىڭ رەفەرەندۋمعا قاتىسۋعا ايتارلىقتاي دايىن ەكەنىن كورسەتەدى. دەگەنمەن, قوعامدىق پىكىردىڭ قالىپتاسۋ ۇدەرىسى جالعاسىپ جاتسا, رەفورمانى تالقىلاۋ بەلسەندىلىگى ساقتالىپ وتىر.
ايتا كەتەيىك, ساۋالناما ينستيتۋتتىڭ جەكە قاراجاتىنا 2026 جىلعى 14-18 اقپان ارالىعىندا جۇرگىزىلدى. ساۋالناماعا 1 200 رەسپوندەنت قاتىستى. زەرتتەۋگە قازاقستاننىڭ 17 وبلىسىنان جانە رەسپۋبليكالىق ماڭىزى بار 3 قالاسىنان (استانا, الماتى جانە شىمكەنت) 18 جاستان اسقان ازاماتتار قاتىستى. تەلەفوندىق ساۋالناما ۇيالى بايلانىس ابونەنتتەرى اراسىندا جۇرگىزىلدى. ساۋالناما قازاق جانە ورىس تىلدەرىندە وتكىزىلدى. ستاتيستيكالىق اۋىتقۋى 2,8%-دان اسپايدى. ساۋالناما وسك-نىڭ جازباشا حابارلاماسى نەگىزىندە جۇرگىزىلدى.
جاستار كونستيتۋتسيا جوباسىن قولدايدى
سونىمەن قاتار, ساۋالناماعا 43,4% ەر ادام جانە 56,6% ايەل قاتىستى, رەسپوندەنتتەردىڭ 64,2%-ى قالا تۇرعىندارى, 35,8%-ى اۋىل تۇرعىندارى بولدى.
رەفەرەندۋمعا ارنالعان رەسمي سايت ىسكە قوسىلدى