تاشكەنت قالاسىندا ورتالىق ازيا ەلدەرى مەن اقش-تىڭ C5+1 فورماتىنداعى مادەنيەت مينيسترلەرىنىڭ كەزدەسۋى اياسىندا پرەمەر-ءمينيستردىڭ ورىنباسارى, مادەنيەت جانە اقپارات ءمينيسترى ايدا بالاەۆا مەن وزبەكستاننىڭ مادەنيەت ءمينيسترى وزودبەك نازاربەكوۆ كەزدەستى, دەپ حابارلايدى Egemen.kz
كەزدەسۋ بارىسىندا تاراپتار مادەني-گۋمانيتارلىق بايلانىستاردى دامىتۋ ماسەلەلەرىن تالقىلاپ, ادەبيەت سالاسىنداعى ىنتىماقتاستىققا, سونداي-اق تەاتر ونەرى باعىتىنداعى ءوزارا ءىس-قيمىلعا ەرەكشە نازار اۋداردى.
كەزدەسۋ سوڭىندا تاراپتار 2024-2025 جىلدارعا ارنالعان ءىس-شارالار جوسپارىنىڭ تولىق جۇزەگە اسىرىلعانىن اتاپ ءوتىپ, قازاقستان رەسپۋبليكاسى مادەنيەت جانە اقپارات مينيسترلىگى مەن وزبەكستان رەسپۋبليكاسى مادەنيەت مينيسترلىگى اراسىنداعى 2026-2027 جىلدارعا ارنالعان مادەني-گۋمانيتارلىق ىنتىماقتاستىق جونىندەگى جاڭا ءىس-شارالار جوسپارىنا قول قويدى.