ەكىباستۇزدا دەرەكتەر ورتالىعى سالىنا باستادى

وڭىرلىك اكىمدىكتىڭ دەرە­گىنشە, جوبا كەزەڭ-كەزەڭىمەن ىسكە اسىرىلادى. 2027 جىلدىڭ العاشقى جارتىسىنىڭ سوڭىنا دەيىن قاجەتتى ينجەنەرلىك ينفراقۇرىلىمدى تارتۋ جانە قۋاتتىلىعى 125 مۆت بولاتىن العاشقى دەرەكتەردى وڭدەۋ ورتالىعىن سالۋ جوسپارلانعان. 2029–2033 جىلدار ارالىعىندا كەلەسى نىساندار كەزەڭ-كەزەڭىمەن پايدالانۋعا بەرىلەدى. بارلىق كەزەڭ اياقتالعاننان كەيىن كلاستەردىڭ جالپى قۋاتى 1 گۆت-قا جەتىپ, ونىڭ اۋماعىندا زاماناۋي 10-عا دەيىن دەرەكتەردى وڭدەۋ ورتالىعى ورنالاسادى.

– جوبا مەملەكەت باسشىسى قاسىم-جومارت توقاەۆتىڭ تاپسىرماسىمەن جۇزەگە اسىرىلىپ جاتىر. وسى ارقىلى الەمدىك جەتەكشى گيپەرسكەيلەرلەردىڭ قاتىسۋىمەن ەۋرازيا كەڭىستىگىندەگى ەڭ ءىرى تسيفرلىق كلاستەرلەردىڭ ءبىرىن قۇرۋ كوزدەلىپ وتىر. جوبانى جۇزەگە اسىرۋ ءۇشىن 177 گەكتار جەر تەلىمى ءبولىندى. ونىڭ ىشىندە 124,4 گەكتار العاشقى كەزەڭدەگى نىسانداردى سالۋعا ارنالعان. سونىمەن قاتار ماەس-1 ستانساسى اۋماعىندا تسيفرلىق كلاستەردى ودان ءارى كەڭەيتۋ ماقساتىندا جالپى كولەمى شامامەن 1300 گەكتار بولاتىن قوسىمشا جەر ۋچاسكەلەرى رەزەرۆكە قويىلدى, – دەپ مالىمدەدى اكىمدىكتەن.

ق.ساتباەۆ اتىنداعى كانالدان سۋ الۋ نۇكتەسى انىقتالىپ, سۋمەن جابدىقتاۋ نىساندارىنىڭ جوبالاۋ جۇمىستارى جۇرگىزىلىپ جاتىر. كەشەننىڭ شارۋاشىلىق-تۇرمىستىق قاجەتتىلىكتەرى ءۇشىن تاۋلىكتىك سۋ تۇتىنۋ كولەمى 2300 تەكشە مەتردى قۇرايدى. سونداي-اق ءورت قاۋىپسىزدىگىن قامتاماسىز ەتۋ ءۇشىن دە قاجەتتى سۋ كولەمى قاراس­تىرىلعان.

جوبانىڭ العاشقى كەزەڭىن ەلەكترمەن جابدىقتاۋ ءۇشىن قۋاتتىلىعى 215 مۆت بولاتىن قول­دانىستاعى قوسالقى ستانسا پايدالانىلادى. بۇل سالىنىپ جاتقان دەرەكتەردى وڭدەۋ ورتالىعىنىڭ قاجەتتىلىكتەرىن تولىق قامتاماسىز ەتۋگە مۇمكىندىك بەرەدى.

قازىرگى ۋاقىتتا الاڭدا دايىن­دىق جۇمىستارى باستالعان. اۋماقتى جوسپارلاۋ, جەر جۇمىس­تا­رى جۇرگىزىلۋدە جانە قورشاۋ ورنا­­تىلدى.

– «دەرەكتەردى وڭدەۋ ورتا­لىقتارى القابىن» قۇرۋ ەلى­مىزدىڭ تسيفرلىق ەكونومي­كا­سىن دامىتۋداعى ماڭىز­دى قا­دام بولادى. جوبا حالىق-

ارالىق دەڭگەيدەگى زاماناۋي تسيفرلىق ينفراقۇرىلىمدى قالىپتاستىرۋعا, ءىرى تەحنولوگيالىق سەرىكتەستەردى تارتۋعا, ەلىمىزدىڭ تسيفرلىق حاب رەتىندەگى پوزيتسياسىن نىعايتۋعا مۇمكىندىك بەرەدى. ءبىزدىڭ مىندەتىمىز – بارلىق قاجەتتى ينفراقۇرىلىمدى ۋاقىتىلى دايىنداپ, تۋىندايتىن ماسەلەلەردى جەدەل شەشۋ, – دەپ اتاپ ءوتتى پاۆ­لودار وبلىسىنىڭ اكىمى اسايىن بايحانوۆ.

جوبانى ىسكە اسىرۋ كەزەڭىندە 1500-دەن استام ۋاقىتشا جۇمىس ورنى جانە نىساندار پايدالانۋعا بەرىلگەننەن كەيىن 250-دەن استام تۇراقتى جۇمىس ورنى اشىلادى دەپ كۇتىلىپ وتىر. نىسان ەلدەگى تسيفرلىق ەكونوميكاسىن دامىتۋ مەن وڭىرگە جوعارى تەحنولوگيالىق ينۆەستيتسيالار تارتۋدىڭ نەگىزگى درايۆەرلەرىنىڭ بىرىنە اينالماق.

پاۆلودار وبلىسى,

ەكىباستۇز قالاسى