بەرليندە ديماش قۇدايبەرگەنگە ارنالعان «JULDYZ» كورمەسى اشىلدى

ديماش قۇدايبەرگەننىڭ ەۋروپاداعى جەكە كونتسەرتتەرىمەن قاتار, 12-17 قاراشا ارالىعىندا «JULDYZ» كورمەسى ءوتتى. ەكسپوزيتسيادا سۋرەتشى Punktgeläut ءانشىنىڭ ءومىرى مەن شىعارماشىلىعىنان سىر شەرتەتىن تۋىندىلارىن ۇسىندى, دەپ حابارلايدى Egemen.kz.

قۇستاردىڭ قيمىلىن قالت جىبەرمەيدى

اتىراۋدا تۇراتىن فيليپپ تسىپليونكوۆ بىرنەشە جىلدان بەرى مۇناي تاسىمالدايتىن كومپانيادا جۇمىس ىستەيدى. الايدا تابيعاتتىڭ اسەم كورىنىسىن, اسىرەسە قۇستاردى سۋرەتكە تۇسىرگەندى ۇناتادى.

ۇلتتىق قولونەرمەن ۇپايىمىز تۇگەندەلەدى

جۋىردا شىمكەنتتە «ادەت-عۇرىپ جانە سالت-ءداستۇر» ورتالىعىنىڭ ۇيىمداستىرۋىمەن «ەر-تۇرمانىم كۇمىستەن» اتتى رەسپۋبليكالىق شەبەرلىك ساعاتى ءوتتى. وندا ەلىمىزدىڭ ءار وڭىرىنەن جينالعان قولونەر شەبەرلەرى ەر شابۋ, بىلعارىمەن قاپتاۋ, كۇمىسپەن ورنەكتەۋ, قامشى ءورۋ سەكىلدى ۇلتتىق قولونەردىڭ سان ءتۇرىن كورسەتتى. ەر-تۇرماننىڭ جاسالۋ جولدارىن, ءادىس-تاسىلدەرىن ءتۇسىندىردى. قولونەرشىلەر وسى بۇيىمداردى كوپشىلىكتىڭ الدىندا جاساپ, شەبەرلىكتەرىن پاش ەتتى. ءىس-شارانىڭ ماقساتى – قازاق حالقىنىڭ ەر-تۇرمان جاساۋ ونەرىن ناسيحاتتاپ, جاڭعىرتۋ. ەڭ باستىسى, كەلگەن قوناقتار شەبەرلىك ساعاتىنان وزدەرىنە پايدالى كوپ ماعلۇمات الدى. ۇلتتىق قولونەر بۇيىمدارىمەن جاقىنىراق تانىسىپ, شەبەرلەرمەن بەتپە-بەت تىلدەستى. اسىرەسە جاستاردىڭ قىزىعۋشىلىعى زور. ءاربىر زاتتى قولدارىمەن ۇستاپ كورىپ, تاڭدانا قاراستى. قولونەرشىلەر ۇستالىق ونەر جايىندا وي ءوربىتىپ, قىزىقتى اڭگىمەلەرىن دە ايتتى. شەبەرلەردىڭ قولىنان شىققان ەڭ تاڭداۋلى تۋىندىلاردان ارنايى كورمە ۇيىمداستىرىلدى.