مۇنداي شەشىم سپورتشىنىڭ سىناماسىنان تىيىم سالىنعان مەلدوني زاتى تابىلۋىنا بايلانىستى قابىلداندى.
شەتتەتۋ مەرزىمى اياقتالعانعا دەيىن قازاقستاندىق بوكسشىعا كەز كەلگەن كاسىبي نەمەسە كورمە فورماتىنداعى جەكپە-جەكتەرگە قاتىسۋعا تىيىم سالىندى. ورتا سالماقتاعى باسەكەلەستىكتىڭ ۇزدىكسىزدىگىن قامتاماسىز ەتۋ جانە رەيتينگتەگى ۇمىتكەرلەردىڭ مۇددەسىن قورعاۋ ماقساتىندا WBO ۋاقىتشا چەمپيوندىق بەلبەۋ ءۇشىن ايقاس وتكىزۋگە كەلىسىم بەردى. بۇل جەكپە-جەكتە رەيتينگتىڭ كوشباسشىسى دەنزەل بەنتلي مەن ەكىنشى ءنومىرلى ۇمىتكەر ەندي سااۆەدرا كەزدەسەدى.
ۇيىم شەشىمىنە سايكەس, شەتتەتۋ مەرزىمى اياقتالعاننان كەيىن جانىبەك ءالىمحان ۇلى ۋاقىتشا چەمپيونمەن مىندەتتى تۇردە قولعاپ ءتۇيىستىرۋى ءتيىس. بۇل تالاپ ورىندالماسا, WBO رەگلامەنتىنە ساي قوسىمشا سانكتسيالار قولدانىلۋى مۇمكىن. وسى شەشىمگە دەيىن ارالىق جەكپە-جەك وتكىزۋ قاراستىرىلمايدى.
WBO پرەزيدەنتى گۋستاۆو وليۆەريدىڭ مالىمەتىنشە, چەمپيوندىق ايقاستار كوميتەتى بۇل شەشىمدى ءبىراۋىزدان قولداعان. شەتتەتۋ مەرزىمى 2025 جىلدىڭ 2 جەلتوقسانىنان باستاپ ەسەپتەلەدى. تولىق شەشىم مەن تالاپتار كورسەتىلگەن رەسمي قۇجات كەيىنىرەك جاريالانباق.
پروموۋتەر جانىبەك ءالىمحان ۇلىنىڭ دوپينگ سىناماسىنا قاتىستى پىكىر ءبىلدىردى
ايتا كەتەيىك, 2025 جىلدىڭ جەلتوقسان ايىنىڭ باسىندا WBA چەمپيونى ەريسلاندي لارامەن ءۇش چەمپيوندىق بەلبەۋ ءۇشىن جوسپارلانعان جەكپە-جەك الدىندا قازاقستاندىق بوكسشىنىڭ سىناماسىنان انتيدوپينگ ەرەجەلەرىنە سايكەس تىيىم سالىنعان مەلدوني تابىلعانى حابارلانعان بولاتىن.
رەسمي مالىمدەمە: جانىبەك ءالىمحان ۇلى مەن ەريسلاندي لارانىڭ جەكپە-جەگى وتپەيدى
