فوتو: جي
ونىڭ ايتۋىنشا, تسيفرلىق تەڭگە قولما-قول جانە قولما-قول ەمەس اقشا تۇرلەرىمەن قاتار قازاقستانداعى ءۇشىنشى ۇلتتىق ۆاليۋتا رەتىندە رەسمي تۇردە تانىلدى.
«بۇگىندە ەلىمىز ءۇشىن ماڭىزدى جوبالاردىڭ ءبىرى – تسيفرلىق تەڭگە. بۇل تۋرالى مەملەكەت باسشىسى دا اتاپ وتكەن بولاتىن. قاجەتتى نورماتيۆتىك-قۇقىقتىق قامتاماسىز ەتۋ جۇمىستارى تولىق بەكىتىلدى. رەسمي تۇردە تسيفرلىق تەڭگە قازاقستانداعى ءۇشىنشى ۇلتتىق ۆاليۋتا بولىپ سانالادى», دەدى اسەت تۇرىسوۆ مەملەكەتتىك قارجىنى تسيفرلىق ترانسفورماتسيالاۋ ماسەلەلەرىنە ارنالعان بريفينگ بارىسىندا.
ۆيتسە-ءمينيستردىڭ مالىمەتىنشە, وتكەن جىلى ۇلتتىق بانكپەن بىرلەسىپ تسيفرلىق تەڭگەنى پايدالانۋ بويىنشا شامامەن 20 پيلوتتىق جوبا ىسكە قوسىلعان. ولاردىڭ ناتيجەسى وڭ باعالانىپ وتىر.
تسيفرلىق تەڭگە – ينۆەستيتسيالىق قۇرال ەمەس: ۇلتتىق بانك ازاماتتارعا ەسكەرتۋ جاسادى
وسىعان بايلانىستى ۇلتتىق بانك پەن ۇكىمەت تسيفرلىق تەڭگەنى كەڭ اۋقىمدا ەنگىزۋدىڭ جوسپارىن بەكىتتى. جوبا كەزەڭ-كەزەڭىمەن جۇزەگە اسىرىلادى. العاشقى كەزەكتە تسيفرلىق تەڭگە بيۋدجەتتىك باعدارلامالار اكىمشىلەرى ۇسىنعان جوبالاردا جانە ۇكىمەت ايقىنداعان باستامالاردا قولدانىلاتىن بولادى.
