فوتو: ۆيدەودان الىنعان كادر
شابۋىل سالدارىنان كەمىندە 4 ادام قازا تاپقان.
يران بيلىگى ءيزرايلدىڭ ارەكەتتەرىن قاتاڭ سىنعا الىپ, ليۆانعا قارسى اسكەري وپەراتسيالار توقتاماسا, وعان جاۋاپ قايتاراتىنىن مالىمدەدى.
ەسكە سالايىق, بۇعان دەيىن يران مەن اقش پاكىستاننىڭ اراعايىندىعىمەن ەلەكتروندى فورماتتا بەيبىت كەلىسىمگە قول قويعانىن جاريالاعان بولاتىن. قۇجاتتا بارلىق باعىتتار بويىنشا, سونىڭ ىشىندە ليۆان اۋماعىنداعى اسكەري قيمىلداردى توقتاتۋ تۋرالى تارماق قاراستىرىلعان.
الايدا كەلىسىمگە قاراماستان, يزرايل قورعانىس ارمياسىنىڭ (تساحال) شابۋىلدارى جالعاسىپ جاتىر.
ليۆان دەنساۋلىق ساقتاۋ مينيسترلىگىنىڭ مالىمەتىنە سايكەس, ناۋرىز ايىنىڭ باسىنان بەرى يزرايل شابۋىلدارى سالدارىنان قازا تاپقاندار سانى 3 700 ادامنان اسقان.
ەسكە سالايىق, يزرايل مەن ليۆان 40 جىل ۇزىلىستەن كەيىن كەلىسسوزگە كەلگەن بولاتىن.
كەيىن يزرايل مەن ليۆان اراسىنداعى اتىستى توقتاتۋ رەجيمى ءۇش اپتاعا دەيىن ۇزارتىلدى.
ال دونالد ترامپ ليۆانعا قارسى ىقتيمال اسكەري ارەكەت اقش پەن يران اراسىنداعى كەلىسىمگە اسەر ەتپەيتىنىن مالىمدەدى.
