فوتو: تجم
جاڭا نىسان اۋىلدىق ەلدى مەكەندەردىڭ قاۋىپسىزدىك دەڭگەيىن ارتتىرۋعا جانە توتەنشە جاعدايلارعا جەدەل دەن قويۋدى قامتاماسىز ەتۋگە باعىتتالعان ۆەدومستۆولىق «اۋىل قۇتقارۋشىلارى» باعدارلاماسىنىڭ ءبىر بولىگى بولدى.
توتەنشە جاعدايلار مينيسترلىگىنىڭ مالىمەتىنشە, باعدارلاما اياسىندا اۋىلدىق بولىمشەگە ءورت ءسوندىرۋ اۆتوتسيستەرناسى, جەكە قورعانىس قۇرالدارىنىڭ جيىنتىعى, راديوستانتسيالاردى قوسا العاندا زاماناۋي بايلانىس قۇرالدارى, سونداي-اق ءورت ءسوندىرۋشىنىڭ جاۋىنگەرلىك كيىمى بەرىلدى. بۇل جاراقتاندىرۋ ەرىكتىلەرگە كاسىبي بولىمشەلەر كەلگەنگە دەيىن ورتتەردى ءتيىمدى سوندىرۋگە جانە حالىققا جەدەل كومەك كورسەتۋگە مۇمكىندىك بەرەدى.
اشىلۋ سالتاناتىندا ءسوز سويلەگەن شىڭعىس ءارىنوۆ اۋىلدىق ورتكە قارسى قۇرالىمدار جەلىسىن دامىتۋ تجم جۇمىسىنىڭ باسىم باعىتتارىنىڭ ءبىرى ەكەنىن اتاپ ءوتتى. باعدارلامانى ىسكە اسىرۋدىڭ ارقاسىندا شالعاي ەلدى مەكەندەردىڭ تۇرعىندارى ءوز اۋىلدارىنىڭ قاۋىپسىزدىگىن قامتاماسىز ەتۋ ءۇشىن قاجەتتى جابدىقتارمەن قامتاماسىز ەتىلىپ جاتىر, ال توتەنشە جاعدايلارعا دەن قويۋ ۋاقىتى ەداۋىر قىسقارىپ وتىر.
قاراعاندى وبلىسىندا باعدارلامانى دامىتۋ جۇمىستارى جالعاسىپ جاتىر. 2025 جىلدان باستاپ 13 ەرىكتى ءورت ءسوندىرۋ بەكەتى قۇرىلدى, ونىڭ ىشىندە رەنوۆاتسيا اياسىندا جاڭعىرتىلعان 4 نىسان بار. بيىل تاعى 31 ەرىكتى ورتكە قارسى قۇرالىم قۇرۋ جانە جاڭارتۋ جوسپارلانعان. جوبانى ىسكە اسىرۋ ازاماتتىق قورعاۋ جۇيەسىن نىعايتۋعا جانە ءوڭىردىڭ اۋىل تۇرعىندارىنىڭ قاۋىپسىزدىك دەڭگەيىن ارتتىرۋعا ىقپال ەتىپ وتىر.
