فەستيۆال اياسىندا ۇلتتىق ونەر مەن سالت-ءداستۇردى ناسيحاتتايتىن كوپتەگەن مادەني ءىس-شارالار جوسپارلانعان. باعدارلامادا اقىندار ايتىسى, حالىقارالىق مۋزىكالىق كونتسەرتتەر, ەتنو-مادەني كورمەلەر, ۇلتتىق سپورت ويىندارى مەن قولونەر شەبەرلەرىنىڭ جارمەڭكەسى وتەدى.
شارانىڭ باستى ماقساتى – التايدى تۇركى وركەنيەتىنىڭ التىن بەسىگى رەتىندە تانىتىپ, باۋىرلاس حالىقتاردىڭ رۋحاني بايلانىسىن نىعايتۋ. فەستيۆالدە كورەرمەندەر ەتنوگرافيالىق قويىلىمداردى, تاريحي كومپوزيتسيالاردى, ءداستۇرلى ءان-كۇي مەن بيلەردى تاماشالاي الادى.
كاتونقاراعايدىڭ كوركەم تابيعاتى اياسىندا وتەتىن مەرەكەدە ۇلتتىق سپورت تۇرلەرىنە دە ەرەكشە كوڭىل بولىنەدى. كوكپار, الامان بايگە جانە باسقا دا ءداستۇرلى جارىستار ۇيىمداستىرىلىپ, قوناقتار ءۇشىن ەتنو اۋىل تىگىلەدى.
فەستيۆال جىل سايىن قازاقستاننىڭ عانا ەمەس, تۇركيا, قىرعىزستان, وزبەكستان, موڭعوليا جانە باسقا دا تۇركى ەلدەرىنىڭ ونەر وكىلدەرىن ءبىر الاڭعا جيناپ كەلەدى. بۇل شارا التاي ءوڭىرىنىڭ تۋريستىك الەۋەتىن ارتتىرىپ, حالىقارالىق مادەني بايلانىستى دامىتۋعا ماڭىزدى ۇلەس قوسارى ءسوزسىز. ۇلتتىق رۋح پەن تۇركى دۇنيەسىنىڭ ورتاق قۇندىلىقتارىن ۇلىقتايتىن «التاي – تۇركى الەمىنىڭ التىن بەسىگى» فەستيۆالى بيىل دا مىڭداعان قوناقتىڭ باسىن قوسىپ, التاي ءتورىن ۇلكەن مادەني مەرەكەگە اينالدىرماق.
ديماش قۇدايبەرگەن «تايماس» ءفيلمىنىڭ ءتۇسىرىلىم الاڭىنا باردى
رۋحاني-مادەني كەشتىڭ باستى قوناعى – ەلىمىزدىڭ ماقتانىشى ديماش قۇدايبەرگەن.
كاتونقاراعاي اۋدانى
