فوتو: 1news.az
ۆاشينگتون بۇل قۇجاتتىڭ اقش ءۇشىن زاڭدىق مىندەتتەمەسى جوق ەكەنىن جانە يران شارتتاردى بۇزسا, اۋە شابۋىلدارى قايتا باستالاتىنىن ەسكەرتتى. 60 كۇن ىشىندە تاراپتار تۇپكىلىكتى بەيبىت كەلىسىمدى ازىرلەۋى ءتيىس.
ترامپ يرانمەن جاسالعان كەلىسىمنىڭ نەگىزگى شارتتارىن جاريالادى
BBC مالىمەتىنشە, مەموراندۋمنىڭ 6 نەگىزگى تارماعى:
– اسكەري ءىس-قيمىلداردى توقتاتۋ: ليۆاندى قوسا العاندا, بۇكىل وڭىردەگى بارلىق اسكەري وپەراتسيالار دەرەۋ توقتاتىلادى.
– تەڭىز قورشاۋىن الۋ: اقش 30 كۇن ىشىندە يران پورتتارىنىڭ قورشاۋىن الىپ تاستايدى, ال تۇپكىلىكتى كەلىسىمنەن كەيىن اسكەرىن شەكارادان اكەتەدى.
– ورمۇز بۇعازىن اشۋ: بۇعاز 60 كۇنگە ەركىن ءوتۋ ءۇشىن اشىلادى. كەيىن ايماق ەلدەرىمەن بىرلەسكەن ۇزاق مەرزىمدى كەلىسىم جاسالادى.
– قالپىنا كەلتىرۋ قورى: يران ەكونوميكاسىن دامىتۋ ءۇشىن كەمىندە 300 ملرد دوللار كولەمىندە قور قۇرۋ جوسپارلانىپ وتىر (اقش بۇعان تىكەلەي قارجى قۇيۋعا مىندەتتەلمەگەن, تەك باعدارلاما ازىرلەۋگە نيەتتى).
– سانكتسيالاردى جويۋ: اقش يرانعا قارسى بارلىق سانكتسيالاردى الىپ تاستاۋعا ۋادە بەرەدى (كەستەسى كەيىنىرەك ناقتىلانادى).
– يادرولىق قارۋدان باس تارتۋ: يران يادرولىق قارۋ جاسامايدى جانە وزىندەگى بايىتىلعان ۋران قورلارىن جويۋعا كەلىسەدى.
ەسكە سالا كەتەيىك, پاكىستان بيلىگى اقش پەن يران اراسىندا بەيبىت كەلىسىم جاسالعانىن حابارلادى. سونىمەن قاتار ليۆاندا اتىستى توقتاتۋ جونىندە دە كەلىسىمگە قول جەتكىزىلگەنى ايتىلدى.
