فوتو: اقوردا
نۇرلان جاقىپوۆتىڭ سوزىنشە, 2025 جىلدىڭ قورىتىندىسى بويىنشا قوردىڭ باسقارۋىنداعى اكتيۆتەر كولەمى 88 ملرد اقش دوللارىن قۇراعان. قازىرگى ۋاقىتتا ەلدە اۋقىمدى ينفراقۇرىلىمدىق جانە ونەركاسىپتىك جوبالار جۇزەگە اسىرىلىپ جاتىر. بيىل جالپى قۇنى 3,3 ترلن تەڭگە بولاتىن 16 ءىرى جوبانى ىسكە قوسۋ جوسپارلانعان.
اتاپ ايتقاندا, مويىنتى – قىزىلجار جانە داربازا – ماقتاارال تەمىرجول جەلىلەرىنىڭ قۇرىلىسى, قاشاعانداعى گاز وڭدەۋ زاۋىتى, الماتىداعى ەكىنشى جەو-نى جاڭعىرتۋ, گيبريدتى ەلەكتر ستانتسياسىن سالۋ, سونداي-اق كاسپي تەڭىزى تۇبىنە تالشىقتى-وپتيكالىق بايلانىس جەلىسىن تارتۋ جوبالارى بار.
بۇل باستامالار كولىك, ەنەرگەتيكا جانە تسيفرلىق ينفراقۇرىلىمدى دامىتۋعا, جاڭا جۇمىس ورىندارىن اشۋعا جانە حالىقتىڭ ءومىر ءسۇرۋ ساپاسىن ارتتىرۋعا باعىتتالعان.
«سامۇرىق-قازىنا» اق باسقارما توراعاسى الەۋمەتتىك جاۋاپكەرشىلىك اياسىندا جىل سايىن شامامەن 1 ملن ادامدى قولداۋعا مۇمكىندىك بەرەتىن جوبالاردى ىسكە اسىرىلىپ كەلە جاتقانىن اتاپ ءوتتى. ونىڭ سوزىنشە, «تازا قازاقستان» ەكولوگيالىق اكتسياسى شەڭبەرىندە ەل بويىنشا 5 ملن كوشەت وتىرعىزۋ جوسپارلانسا, 2024-2025 جىلدارى 5,8 ملن اعاش ەگىلگەن.
جالپى, 2023–2026 جىلدار ارالىعىندا 856 ملرد تەڭگەگە 100-دەن استام الەۋمەتتىك جوبا جۇزەگە اسىرىلعان.
پرەزيدەنت الاتاۋ قالاسىن دامىتۋعا قاتىستى بىرقاتار تاپسىرما بەردى
نۇرلان جاقىپوۆتىڭ ايتۋىنشا, بيىل قازان ايىندا قوسشى قالاسىندا NVIDIA B300 بازاسىنداعى جاڭا سۋپەركومپيۋتەردى ىسكە قوسۋ جوسپارلانىپ وتىر. جوبا جۇزەگە اسسا, «قازاقتەلەكوم» كومپانياسىنداعى ەسەپتەۋ قۋاتى ءتورت ەسە ارتادى. بۇل قازاقستاننىڭ جاساندى ينتەللەكت, دەرەكتەردى وڭدەۋ جانە جوعارى ءونىمدى ەسەپتەۋ سالاسىنداعى مۇمكىندىكتەرىن كەڭەيتپەك.
كەزدەسۋ قورىتىندىسىندا پرەزيدەنت قوردىڭ نەگىزگى باعىتتارى بويىنشا, سونىڭ ىشىندە ينۆەستيتسيالىق جوبالاردى ۋاقىتىلى ىسكە اسىرۋ جونىندە ناقتى تاپسىرمالار بەردى.
ەسكە سالا كەتەيىك, بۇعان دەيىن مەملەكەت باسشىسى قاسىم-جومارت توقاەۆ باسەكەلەستىكتى قورعاۋ جانە دامىتۋ اگەنتتىگى توراعاسى مارات وماروۆتى قابىلداعان بولاتىن.
