تەستىلەۋ 10 مامىردا باستالىپ, 10 شىلدەگە دەيىن جالعاسادى. قاتىسۋعا شامامەن 240 مىڭ تالاپكەر ءوتىنىش بەرگەن. ولاردىڭ 668-ءى ەرەكشە ءبىلىم بەرۋ قاجەتتىلىكتەرى بار ازاماتتار. قازىرگى ۋاقىتقا دەيىن شامامەن 236 مىڭ تەست تاپسىرىلعان.
ۇبت كەزىندە جارىق ءوشىپ قالسا, تۇلەكتەردىڭ ناتيجەسى قالاي باعالانادى؟ مينيستر جاۋاپ بەردى
بەسىنشى اپتانىڭ قورىتىندىسى بويىنشا تالاپكەرلەردىڭ 67%-ى شەكتى بالل جيناعان. بەس ءپان بويىنشا ورتاشا بالل 64 بولسا, ەڭ جوعارى ناتيجە 140 بالل.
«بەس اپتا ىشىندە 474 ەرەجە بۇزۋشىلىق انىقتالعان. ونىڭ ىشىندە 298 تالاپكەر سمارتفون, سمارت-كوزىلدىرىك, ميكروقۇلاققاپ, شپارگالكا جانە باسقا دا تىيىم سالىنعان زاتتاردى الىپ كىرۋگە ارەكەت جاساعانى ءۇشىن تەستىلەۋدەن شەتتەتىلگەن. ال 176 ادام تەستىلەۋ ەرەجەسىن بۇزعانى ءۇشىن اۋديتوريادان شىعارىلىپ, ولاردىڭ ناتيجەلەرى جويىلعان», دەدى عىلىم جانە جوعارى ءبىلىم مينيسترلىگى.
تەستىلەۋ اياقتالعاننان كەيىن 31 قازانعا دەيىن ماماندار بەينەجازبالاردى تالدايدى. ەگەر تىيىم سالىنعان زاتتاردى قولدانۋ نەمەسە ەرەجەنى بۇزۋ فاكتىلەرى انىقتالسا, تەست ناتيجەلەرى جويىلاتىندىعىن ايتىپ وتىر مينيسترلىك وكىلدەرى.
