فوتو: depositphotos.com
ىلە اۋداندىق سانيتاريالىق-ەپيدەميولوگيالىق باقىلاۋ باسقارماسىنىڭ مالىمەتىنشە, «Sushi Time» ءدامحاناسىندا تاعامدانعان 19 ادام ۋلانۋ بەلگىلەرىمەن اۋرۋحاناعا جاتقىزىلعان.
ماڭعىستاۋ وبلىسىندا تاماقتان جاپپاي ۋلانعان بالالارعا قاتىستى ءىس سوتقا جولداندى
العاشقى شاعىمدار تۇسە باستاعان بويدا بۇل ىسكە دەنساۋلىق ساقتاۋ ورگاندارى مەن جەرگىلىكتى اتقارۋشى بيلىك وكىلدەرى جۇمىلدىرىلعان.
كوشەدەن اس ءىشۋدىڭ تاۋەكەلى: قوعامدىق تاماقتانۋ ورىندارىنداعى قاۋىپسىزدىك دەڭگەيى قانداي؟
قازىر ىلە اۋداندىق سانيتاريالىق-ەپيدەميولوگيالىق باقىلاۋ باسقارماسى تەكسەرۋ جۇرگىزىپ جاتىر. زەرتحانالىق زەرتتەۋلەر ءۇشىن تاعام ونىمدەرىنەن سىنامالار الىنىپ, ءتيىستى ماتەريالدار ۋاكىلەتتى ورگاندارعا جولداندى.
«وقيعانىڭ ناقتى سەبەپتەرى تۋرالى تۇپكىلىكتى قورىتىندى تەكسەرۋ جۇمىستارى تولىق اياقتالىپ, زەرتحانالىق زەرتتەۋلەردىڭ ناتيجەلەرى شىققاننان كەيىن جاسالادى», دەلىنگەن باسقارما مالىمدەمەسىندە.
بۇعان دەيىن ۇكىمەت باسشىسى ولجاس بەكتەنوۆتىڭ تاپسىرماسى بويىنشا قوعامدىق تاماقتانۋ ورىندارىندا گاز باللوندارىن ساقتاۋعا قاتىستى تالاپتاردىڭ ساقتالۋى تەكسەرىلەتىنى تۋرالى حابارلانعان ەدى.
ەسكە سالا كەتەتىك, وتكەن جىلى تۇركىستاندا سۋشي جەگەن 22 ادام ۋلانىپ, اۋرۋحاناعا تۇسكەن ەدى.
