فوتو: dimashnews
بەرليندەگى Erster Erster گالەرەياسى وسى اپتادا ونەر سۇيەر قاۋىم مەن قالا قوناقتارىن ەرەكشە اتموسفەراعا بولەدى. Max-Schmeling-Halle ارەناسىنا جاقىن ورنالاسقان گالەرەيادا اشىلعان كورمەدە مايلى بوياۋمەن جانە قارىنداشپەن سالىنعان جۇمىستار كورەرمەن نازارىنا ۇسىنىلعان.
سۋرەتشى Punktgeläut تۋىندىلارىندا ديماشتىڭ ساحناداعى جارقىن ساتتەرى مەن شىعارماشىلىق بەلەستەرى كورىنىس تابادى.
كورمەدە ديماشتىڭ وزىنەن بولەك, ونىڭ اتا-اناسى, راۋشان قۇدايبەرگەن مەن راسۋل ۋسمانوۆتىڭ دا پورترەتتەرى قويىلعان.
اۆتوردىڭ ايتۋىنشا, ديماشتىڭ داۋىس مۇمكىندىگى مەن ونەردەگى ورنى – جانر اتاۋلىدان بيىك.
«بەرليندەگى العاشقى كونتسەرتىنە وراي ازىرلەنگەن بۇل توپتاما – مۋزىكالىق فەنومەننىڭ الەمدىك ىقپالىن كورسەتەتىن شاعىن سىي. ديماش تەك گاسترولدىك ساپارلارىمەن عانا ەمەس, قوعام مەن مادەنيەتكە قاتىستى ماڭىزدى ماسەلەلەرگە ءۇن قوساتىن ەرەكشە تۇلعا. ول – بەيبىتشىلىكتى قولداۋشى, بىلىمگە جاناشىر, جاس ونەرپازدارعا جول اشاتىن جارقىن تۇلعا», دەيدى سۋرەتشى.
ايتا كەتەيىك, ساتىلىمىنان تۇسەتىن قاراجاتتىڭ جارتىسى قازاقستانداعى ءبىلىم مەن ەكولوگيا باعىتىنداعى جوبالاردى جۇزەگە اسىراتىن ء«سابي» قورىنىڭ يگىلىگىنە اۋدارىلادى.
