Reuters اگەنتتىگىنىڭ پرەزيدەنت اكىمشىلىگىنە سىلتەمە جاساپ حابارلاۋىنشا, ەگەر پارلامەنت بۇل كانديداتۋرانى ماقۇلداسا, حان سون سۋك سوڭعى 20 جىلداعى وڭتۇستىك كورەيانىڭ العاشقى ايەل پرەمەر-ءمينيسترى اتانادى.
بۇعان دەيىن وڭتۇستىككورەيالىق ينتەرنەت-الىپ Naver كومپانياسىنىڭ باس ديرەكتورى قىزمەتىن اتقارعان سون سۋك ەلدەگى جاساندى ينتەللەكت تەحنولوگيالارىن ەنگىزۋ ۇدەرىسىنە جەتەكشىلىك ەتەدى دەپ كۇتىلۋدە. بۇل تۋرالى بريفينگ بارىسىندا وڭتۇستىك كورەيا پرەزيدەنتى اكىمشىلىگىنىڭ باسشىسى كان حۋن سيك مالىمدەدى.
«حان وڭتۇستىك كورەيا ەكونوميكاسىنىڭ جارتىلاي وتكىزگىشتەر ءوندىرىسىنىڭ قارقىندى دامۋى مەن ەكسپورتتىڭ ءوسۋى ناتيجەسىندە قول جەتكىزگەن ءوسىمىن شاعىن جانە ورتا كاسىپورىنداردى قوسا العاندا, قوعامنىڭ بارلىق سالاسىنا اسەر ەتەتىن جان-جاقتى ەكونوميكالىق وسىمگە اينالدىرا الادى», دەدى ول.
اگەنتتىك مالىمەتىنشە, وڭتۇستىك كورەيانىڭ پرەزيدەنتتىك باسقارۋ جۇيەسىندە پرەمەر-ءمينيستردىڭ ءرولى نەگىزىنەن راسىمدىك جانە اكىمشىلىك سيپاتقا يە.
