فوتو: قاراعاندى وبلىسى اكىمدىگى
بايقاۋدىڭ قورىتىندىسى بويىنشا 5 ميلليون تەڭگە كولەمىندەگى باس جۇلدەنى يەلەنىپ, ەلىمىزدىڭ ەڭ ۇزدىك قىمىز ءوندىرۋشىسى اتانعان – «قارقارالى اقتەرەك» برەندى. جۇلدەگەرلەر قاتارىندا سونداي-اق قارقارالى ءوڭىرىنىڭ «توقپان قىمىزى» جانە ۇلىتاۋ وبلىسىنىڭ «جاڭاارقا قىمىزى» بولدى.
فەستيۆال قوناقتارىنا شامامەن 30 توننا قىمىز ۇسىنىلدى.
ءىس-شارا اياسىندا ەتنواۋىلدار جۇمىس ىستەپ, ۇلتتىق سپورت تۇرلەرىنەن جارىستار, گاسترونوميالىق الاڭدار جانە كونتسەرتتىك باعدارلاما ۇيىمداستىرىلدى.
بيىلدان باستاپ BaiQymyz فەستيۆالى رەسپۋبليكالىق مادەني-تۋريستىك ءىس-شارالار كۇنتىزبەسىنە ەنگىزىلىپ, جىل سايىن وتكىزىلەتىن بولادى.
ەسكە سالايىق, استانادا «قازانات» يپپودرومىندا 2025 جىلى شىلدە ايىنىڭ 19-20 كۇندەرى بۇرىن-سوڭدى بولماعان كولەمدەگى «BaiQymyz – باپتالعان قىمىز جانە ۇلتتىق تاعامدار» گاستروفەستيۆالى وتكەنى ءمالىم.
