فوتو: اشىق دەرەككوز
ءبۇلدىرشىننىڭ ءمايىتى ايتەك سۋ تورابىنان اعىس بويىمەن شامامەن 30 شاقىرىم تومەن جەردەن, سىرداريا وزەنىنەن تابىلعان. قۇتقارۋشىلار ءمايىتتى سۋ ايدىنىنان شىعارىپ العان.
ەسكە سالايىق, مەدينا 5 ماۋسىم كۇنى كەشكى ۋاقىتتا قىزىلوردا قالاسىنداعى سىرداريا وزەنىنىڭ جاعالاۋىنا جاقىن ورنالاسقان «ريسماش» اۋدانىنداعى ۇيىنەن شىعىپ كەتىپ, قايتا ورالماعان بولاتىن. وسىدان كەيىن وڭىردە اۋقىمدى ىزدەستىرۋ جۇمىستارى باستالدى.
ىزدەۋ وپەراتسياسىنا قۇتقارۋشىلار, پوليتسيا قىزمەتكەرلەرى مەن ەرىكتىلەر جۇمىلدىرىلدى. سونداي-اق دروندار, قىزمەتتىك يتتەر, قايىقتار جانە سۇڭگۋىرلەر تارتىلىپ, وزەن بويى مەن وعان ىرگەلەس اۋماقتار بىرنەشە تاۋلىك بويى مۇقيات تەكسەرىلدى.
بۇعان دەيىن تالدىقورعاندا جوعالىپ كەتكەن ەرەكشە بالانىڭ ءمايىتى تابىلعانى تۋرالى جازعان ەدىك.
