فوتو: Getty images
اسا اۋىر سالماقتاعى جەكپە-جەك ون راۋندقا جوسپارلانعان بولاتىن جانە قارسىلاستار تولىق ون راۋند بوكستاسىپ شىقتى.
يۆان دىچكو العاشقى راۋندتىڭ وزىندە قارسىلاسىن نوكداۋنعا ءتۇسىرىپ, جەكپە-جەكتەگى باسىمدىقتى قولعا الدى.
ون راۋند قورىتىندىسى بويىنشا تورەشىلەر جەڭىستى قازاقستاندىق بوكسشىعا بەردى. بۇل يۆان دىچكونىڭ كاسىپقوي رينگتەگى 16-جەڭىسى بولدى. قازىرگى تاڭدا قازاق بوكسشىسىنىڭ ەنشىسىندە 16 جەڭىس بار. ونىڭ 14-ءى نوكاۋتپەن اياقتالعان. سونداي-اق ءبىر جەڭىلىسى تىركەلگەن.
ال حارۆي دايكس كاسىپقوي مانسابىندا العاش رەت جەڭىلىس تاۋىپ وتىر. بۇعان دەيىن بريتاندىقتىڭ كورسەتكىشى جەتى جەڭىس جانە ءبىر تەڭ ناتيجە بولعان.
اۋەسقوي بوكستا يۆان دىچكو ەكى مارتە وليمپيادا ويىندارىنىڭ قولا جۇلدەگەرى اتانعان. سونىمەن قاتار ازيا ويىندارى مەن ازيا چەمپيوناتىندا دا توپ جارعان.
