ءار ەكيپاج ءبىر شتۋرماننان, ينكليۋزيۆتى قاتىسۋشى جانە وعان قاشىقتىقتى ەڭسەرۋگە كومەكتەسكەن ءۇش پيلوتتان تۇردى.
مۇنداي باستامالار ينكليۋزيۆتى ورتانى دامىتۋعا جانە قالالىق كەڭىستىكتىڭ بارلىق تۇرعىن ءۇشىن قولجەتىمدى ءارى جايلى ەتۋ قاعيداتتارىن ىلگەرىلەتۋگە ىقپال ەتەدى.
«مەن ءۇشىن مۇنداي مارافونعا قاتىسۋ – ەڭ الدىمەن ءىرى سپورتتىق وقيعانىڭ اتموسفەراسىن سەزىنىپ, وسى ءىس-شارانىڭ ءبىر بولىگىنە اينالۋ مۇمكىندىگى. كورەرمەندەردىڭ قولداۋىن سەزىنۋ جانە وسىنداي ءىس-شارالاردىڭ بارلىق قاتىسۋشى ءۇشىن بارعان سايىن قولجەتىمدى بولىپ كەلە جاتقانىن كورۋ قۋانتادى», دەدى جارىسقا قاتىسۋشىلاردىڭ ءبىرى.
ايتا كەتەيىك, بيىلعى Astana Half Marathon جارىسى الەمنىڭ 30-دان استام ەلىنەن كەلگەن شامامەن 7000 قاتىسۋشىنىڭ باسىن قوسادى. مارافون باعىتى ەلوردانىڭ نەگىزگى كوشەلەرى مەن كورىكتى ورىندارىن قامتىدى.
Astana Half Marathon قاتىسۋشىلارى «تازا قازاقستان» اكتسياسىن قولداپ, پلوگگينگ وتكىزدى
ءىس-شارا باعدارلاماسىندا 21,1 شاقىرىم, 10 شاقىرىم, سكانديناۆيالىق ءجۇرىس جانە «ەكيدەن» كوماندالىق ەستافەتاسى بويىنشا جارىستار ءوتتى.
