فوت. قالا اكىمدىگى
استانا اكىمدىگىنىڭ رەسمي سايتىنىڭ مالىمەتىنشە, بيىل جارىس جولىنا 243 شەتەلدىك جەلاياق شىققان. ولار الەمنىڭ 30-دان استام ەلىنەن كەلگەن.
شەتەلدىك قاتىسۋشىلاردىڭ ەڭ كوبى رەسەيدەن – 91 ادام, وزبەكستاننان – 28 جانە اقش-تان – 17 ادام. سونداي-اق جارىسقا قىتايدان 15, قىرعىزستاننان 14, فرانتسيادان 11, وڭتۇستىك كورەيادان 6, ۇلىبريتانيادان 6, پولشادان 5 جانە گەرمانيادان 5 ادام قاتىستى. جارىس گەوگرافياسى ازيا, ەۋروپا, سولتۇستىك جانە وڭتۇستىك امەريكا, افريكا, تاياۋ شىعىس پەن مۇحيت ەلدەرىن قامتىدى.
جىل سايىن Astana Half Marathon الەمنىڭ ءارتۇرلى ەلدەرىنەن كەلەتىن قاتىسۋشىلار سانىن ارتتىرىپ كەلەدى.
«مۇنداي قىزىعۋشىلىقتىڭ سەبەپتەرىنىڭ ءبىرى – ۇيىمداستىرۋ دەڭگەيىنىڭ جوعارى بولۋى. Astana Half Marathon حالىقارالىق مارافوندار مەن جۇگىرۋ جارىستارى قاۋىمداستىعىنا (AIMS) كىرەدى, ال ونىڭ باعىتتارى World Athletics ستاندارتتارىنا سايكەس سەرتيفيكاتتالعان. بۇل قاشىقتىقتىڭ دالدىگىن جانە ناتيجەلەردىڭ ادىلدىگىن قامتاماسىز ەتەدى. سوندىقتان كوپتەگەن تاجىريبەلى جەلاياق جەكە رەكوردىن جاڭارتۋ ءۇشىن استاناداعى جارىستى تاڭدايدى», دەيدى ء«بىرىنشى بولۋ – باتىلدىق» كورپوراتيۆتىك قورى قامقورشىلىق كەڭەسىنىڭ توراعاسى عالىمجان ەسەنوۆ.
ايتا كەتەيىك, «تازا قازاقستان» اكتسياسى شەڭبەرىندە جارىس باعىتى بويىندا جانە ستارت-مارە قالاشىعىندا قوقىستاردى بولەك جيناۋ ورىندارى جانە قاتىسۋشىلار مەن قوناقتارعا ارنالعان ينتەراكتيۆتى ەكولوگيالىق ايماقتار جۇمىس ىستەدى. EcoNetwork-پەن سەرىكتەستىك شەڭبەرىندە جينالعان جارامدى قوقىس قايتا وڭدەۋگە جىبەرىلەدى.
«Astana Half Marathon جارىسىنىڭ باستى ەكولوگيالىق جاڭالىقتارىنىڭ ءبىرى – PET 1 تاڭباسى بار, 100 پايىز قايتا وڭدەلەتىن پلاستيكتەن جاسالعان ءبىر رەتتىك ستاقاندار. ولار بارلىق تاماقتانۋ ورنىندا پايدالانىلىپ, جارىس اياقتالعاننان كەيىن ەكولوگيالىق ەرىكتىلەر قايتا وڭدەۋگە جىبەرۋ ءۇشىن جيناستىردى.
مۇنداي تاجىريبە قازاقستانداعى بۇقارالىق جۇگىرۋ جارىستارىندا العاش رەت ەنگىزىلىپ وتىر», دەلىنگەن حابارلامادا.
بۇعان دەيىن ەلوردادا مارافونعا بايلانىستى ونداعان كوشە جابىلاتىن تۋرالى حابارلاعان ەدىك.
