فوتو: ۆيدەودان الىنعان سكرين
ەلوردا پوليتسياسىنىڭ حابارلاۋىنشا, 9 ماۋسىم كۇنى تەرگەۋدەگى پ.قايرات پروكۋراتۋرا ورگاندارىنا ارىز ءتۇسىرىپ, مەكەمە قىزمەتكەرى كامەرا ەسىگىن كۇشتەپ جاپقان كەزدە ونى ەسىك اراسىنا قىسىپ, دەنە جاراقاتىن كەلتىرگەنىن مالىمدەگەن.
اتالعان ارىز بويىنشا جيناقتالعان ماتەريالدار استانا قالاسى پوليتسيا دەپارتامەنتىنە جولدانعان. قازىر سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. تەرگەۋ بارىسىندا مەكەمەنىڭ بەينەباقىلاۋ كامەرالارىنداعى جازبالار زەردەلەنىپ, قىزمەتكەرلەر مەن كۋالاردان جاۋاپ الىنعان.
پوليتسيا العاشقى تەرگەۋ ارەكەتتەرىنىڭ ناتيجەسىن جاريالادى.
«العاشقى تەرگەۋ ارەكەتتەرىنىڭ ناتيجەسى بويىنشا پ.قايرات مالىمدەگەندەي, كامەرا ەسىگىن جابۋ كەزىندە مەكەمە قىزمەتكەرلەرىنىڭ وعان دەنە جاراقاتىن كەلتىرۋى تۋرالى سوزدەرى راستالمايدى. بۇعان پ.قايرات ءوز ارىزىندا كورسەتكەن وقيعا ساتىندەگى بەينەباقىلاۋ جازباسى دالەل بولىپ وتىر», دەلىنگەن حابارلامادا.
ايتا كەتەيىك, تەرگەۋ ءالى جالعاسىپ جاتىر. ءتيىستى ساراپتاما دا تاعايىندالعان.
