قوردىڭ مالىمەتىنشە, الاياقتار رەسمي اڭگىمە جۇرگىزىپ وتىرعانداي اسەر قالدىرۋ ءۇشىن بولىمشەلەردىڭ ناقتى مەكەنجايلارىن اتاپ, ازاماتتاردى كەڭسەلەرگە كەلۋگە شاقىرادى. قىزمەت كورسەتۋدى «جەدەلدەتۋ» ماقساتىندا ولار ەلەكتروندى كەزەككە الدىن الا جازىلۋدى ۇسىنىپ, SMS ارقىلى كەلگەن كودتى ايتۋدى سۇرايدى.
شقو-دا پوليتسەيلەر زەينەتكەردى الاياقتاردان قۇتقارىپ قالدى
كەيبىر جاعدايلاردا سالىمشىلار مۇنداي كودتاردى ايتىپ قويعان. سونىڭ سالدارىنان الاياقتار ولاردىڭ جەكە دەرەكتەرىنە قول جەتكىزگەن.
بجزق قىزمەتكەرلەرى ەشقاشان SMS-كودتاردى, قۇپياسوزدەردى, بانك دەرەكتەمەلەرىن نەمەسە باسقا دا قۇپيا اقپاراتتى سۇراپ قوڭىراۋ شالمايتىنىن ەسكەرتەدى. قوردىڭ بارلىق قىزمەتتەرى تەگىن كورسەتىلەدى جانە قولدانىستاعى زاڭناماعا سايكەس جۇزەگە اسىرىلادى. ال زەينەتاقى تولەمدەرىن راسىمدەۋ تەك رەسمي ارنالار ارقىلى جۇرگىزىلەدى.
قاراعاندىدا زەينەتكەرلەردى الداعان الاياق ۇستالدى
سونداي-اق قور ازاماتتىڭ اتى-ءجونى, جسن-ءى, مەكەنجايى نەمەسە جۇمىس ورنى سياقتى جەكە مالىمەتتەردىڭ بەلگىلى بولۋى قوڭىراۋ شالۋشىنىڭ شىنىمەن قور قىزمەتكەرى ەكەنىن دالەلدەمەيتىنىن اتاپ ءوتتى. ويتكەنى مۇنداي اقپارات اشىق دەرەككوزدەردەن الىنۋى مۇمكىن.
وسىعان بايلانىستى ازاماتتارعا تەلەفون ارقىلى كەلگەن كودتاردى جانە جەكە دەرەكتەرىن ەشكىمگە حابارلاماۋ, كۇماندى قوڭىراۋلاردى بىردەن توقتاتۋ, اقپاراتتى بجزق-نىڭ رەسمي سەرۆيستەرى ارقىلى تەكسەرۋ جانە قاجەت بولعان جاعدايدا قۇقىق قورعاۋ ورگاندارىنا جۇگىنۋ ۇسىنىلادى.
