ۆيدەودان الىنعان كادر
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە, ءتورت ەرەسەك ادام №1 كوپسالالى قالالىق اۋرۋحاناعا, ال بالا №2 كوپسالالى بالالار اۋرۋحاناسىنا جاتقىزىلعان.
دارىگەرلەردىڭ باعالاۋىنشا, بارلىق ناۋقاستىڭ جاعدايى اۋىر, بىراق تۇراقتى. قازىرگى ۋاقىتتا ولارعا قاجەتتى مەديتسينالىق كومەك تولىق كولەمدە كورسەتىلىپ جاتىر.
وقيعا ەلوردانىڭ سارايشىق اۋدانىنداعى قاسىم امانجولوۆ كوشەسىندە بولعان. جول بويىندا تۇرعان جەڭىل اۆتوكولىك ورتەنىپ, وقيعا ورنىنا ءورت سوندىرۋشىلەر مەن اپاتتار مەديتسيناسى ورتالىعىنىڭ ماماندارى جەدەل جەتكەن.
الدىن الا مالىمەت بويىنشا, قۇتقارۋشىلار كەلگەنگە دەيىن كولىكتە گاز-اۋا قوسپاسىنىڭ جارىلىسى بولعان. سونىڭ سالدارىنان ءورت شىعىپ, ماڭايدا تۇرعان بىرنەشە كولىككە دە زاقىم كەلگەن.
قازىر ماماندار وقيعانىڭ ناقتى سەبەپتەرىن انىقتاپ جاتىر.
