تەرگەۋ بارىسىندا 3 ناۋرىز كۇنى ءدامحانا يەسى ۇستالعان. كەيىن 20 ساۋىردە اۆتوگاز قۇيۋ ستانتسياسىنىڭ ديرەكتورى مەن گاز باللوندارىن جەتكىزۋشى دە قاماۋعا الىندى. ولار ءورت قاۋىپسىزدىگى تالاپتارىن ساقتامادى جانە قىزمەت كورسەتۋ بارىسىندا زاڭ تالاپتارىن بۇزدى دەگەن كۇدىككە ىلىنگەن.
قازىرگى ۋاقىتتا كۇدىكتىلەردىڭ ەكەۋى قاماۋدا وتىر, ال ءۇشىنشى تۇلعا ۇيقاماققا الىنعان.
اقمولا وبلىسى پروكۋراتۋراسىنىڭ مالىمەتىنشە, قىلمىستىق ءىس بويىنشا سوتقا دەيىنگى تەرگەۋ تولىق اياقتالىپ, تاراپتار ءىس ماتەريالدارىمەن تانىسۋ كەزەڭىنە وتكەن.
ەسكە سالساق, ششۋچينسك قالاسىنداعى «پالاۋ ورتالىعىندا» گاز جارىلىپ, ارتىنشا ءورت شىققان بولاتىن. قايعىلى وقيعا 27 اقپانعا قاراعان ءتۇنى بولىپ, سالدارىنان 12 ادام قازا تاپتى.
قازىر ءىس بويىنشا بارلىق قاجەتتى پروتسەسسۋالدىق شارالار جۇرگىزىلىپ جاتىر. ماتەريالدار جاقىن ارادا سوتقا جولدانادى.
