فوتو: kursiv.media
ستاتيستيكاعا سايكەس, 1 ساۋىردە قازاقستان حالقىنىڭ سانى 20 547 909 ادام بولعان. وسىلايشا, ءبىر اي ىشىندە تۇرعىندار سانى 15 مىڭنان استام ادامعا كوبەيسە, جىل باسىنان بەرى ءوسىم 63 171 ادامدى قۇرادى.
حالىقتىڭ باسىم بولىگى قالالاردا تۇرادى. قالا تۇرعىندارىنىڭ سانى 13 153 726 ادامعا جەتكەن. ەلدەگى ەڭ ءىرى مەگاپوليس مارتەبەسىن الماتى قالاسى ساقتاپ وتىر. قازىر شاھاردا 2 362 463 ادام تۇرادى.
سونداي-اق حالقى 1 ميلليوننان اسقان قالالار قاتارىندا استانا مەن شىمكەنت بار. ەلوردا تۇرعىندارىنىڭ سانى 1 668 750 ادامدى, ال شىمكەنت حالقى 1 305 620 ادامدى قۇراعان.
حالقى 1 ميلليوننان اساتىن وڭىرلەر قاتارىندا:
- تۇركىستان وبلىسى – 2 146 817 ادام;
- الماتى وبلىسى – 1 609 784 ادام;
- جامبىل وبلىسى – 1 214 040 ادام;
- قاراعاندى وبلىسى – 1 131 090 ادام.
ال تۇرعىندار سانى ەڭ از وڭىرلەر رەتىندە:
- ۇلىتاۋ وبلىسى – 218 251 ادام;
- سولتۇستىك قازاقستان وبلىسى – 512 702 ادام;
- اباي وبلىسى – 593 892 ادام كورسەتىلگەن.
ۇلتتىق ستاتيستيكا بيۋروسىنىڭ مالىمەتى حالىق سانىنىڭ تۇراقتى ءوسىمىن كورسەتىپ وتىر. ساراپشىلار مۇنى تابيعي ءوسىم مەن كوشى-قون ۇدەرىستەرىنىڭ وڭ سەرپىنىمەن بايلانىستىرادى.
ايتا كەتكەن ءجون, ۇلتتىق ستاتيستيكانى تسيفرلىق ترانسفورماتسيالاۋ ۇدەرىسى جاڭا كەزەڭگە اياق باستى.
