فوتو: point.md
جوبانى Plurial Novilia قۇرىلىس كومپانياسى جۇزەگە اسىرعان. قۇرىلىس بارىسىندا بەتون قابىرعالار مەن عيماراتتىڭ نەگىزگى كوتەرگىش كونسترۋكتسيالارىن باسىپ شىعارۋعا ارنالعان COBOD BOD2 ونەركاسىپتىك پرينتەرى قولدانىلعان.
العاشىندا قۇرىلىس جۇمىستارى 50 كۇنگە جوسپارلانعانىمەن, ءۇيدىڭ نەگىزگى كونسترۋكتسيالارىن تۇرعىزۋعا نەبارى 34 كۇن كەتكەن. وسىلايشا جاڭا تەحنولوگيا ءۇي سالۋ پروتسەسىن ءۇش ايعا دەيىن قىسقارۋعا بولاتىنىن كورسەتتى.
جاڭا عيماراتتىڭ جالپى اۋدانى 800 شارشى مەتردى قۇرايدى. پاتەرلەردىڭ بارلىعى جەكە بالكوندارمەن جابدىقتالعان. قازىرگى ۋاقىتتا كومپانيا جاڭا ادىسپەن شامامەن 40 پاتەردەن تۇراتىن تاعى ءبىر تۇرعىن ءۇي كەشەنىن سالۋدى جوسپارلاپ وتىر. بۇل جولى قۇرىلىس جۇمىستارىنا بىردەن ەكى 3D-پرينتەر تارتىلماق.
ساراپشىلاردىڭ پىكىرىنشە, ءۇش ولشەمدى باسىپ شىعارۋ تەحنولوگياسى قۇرىلىس سالاسىنداعى ەڭ پەرسپەكتيۆالى باعىتتاردىڭ بىرىنە اينالىپ كەلەدى. ول قۇرىلىس مەرزىمىن قىسقارتىپ قانا قويماي, شىعىنداردى ازايتۋعا مۇمكىندىك بەرەدى.
ەسكە سالا كەتەيىك, بۇعان دەيىن كەنيادا ەستۋ قابىلەتى بۇزىلعان بالالارعا ساباق تۇسىندىرەتىن روبوت پايدا بولعانىن جازعان ەدىك.
