فوتو: istockphoto.com
جاڭا ەرەجە كامەلەتكە تولماعانداردى ينتەرنەتتەگى زياندى كونتەنتتەن قورعاۋعا باعىتتالعان. وسىلايشا مالايزيا بالالاردىڭ قاۋىپسىزدىگى مەن دەنساۋلىعىنا الەۋمەتتىك جەلىلەردىڭ اسەرىنە الاڭداۋشىلىق ءبىلدىرىپ وتىرعان ەلدەردىڭ قاتارىنا قوسىلدى.
1 ماۋسىمنان باستاپ Facebook, Instagram, TikTok جانە YouTube سەكىلدى پلاتفورمالار جاڭا پايدالانۋشىلاردىڭ جاسىن مەملەكەتتىك دەرەكقورلار ارقىلى تەكسەرۋگە مىندەتتى. ەگەر الەۋمەتتىك جەلىلەر بۇل تالاپتاردى ورىنداماسا, ولارعا 10 ميلليون رينگگيتكە دەيىن (شامامەن 2,5 ميلليون دوللار) ايىپپۇل سالىنۋى مۇمكىن.
TikTok-قا تەلمىرگەن تولقىن: بالالار قانشا ۋاقىتىن الەۋمەتتىك جەلىدە وتكىزەدى؟
مالايزيانىڭ بايلانىس جانە مۋلتيمەديا كوميسسياسى بۇل شارا بالالاردىڭ ينتەرنەتكە نەمەسە تەحنولوگيالارعا قولجەتىمدىلىگىن شەكتەۋ ءۇشىن ەنگىزىلمەگەنىن اتاپ ءوتتى.
«باستى ماقسات – كامەلەتكە تولماعانداردىڭ ينتەرنەتتەگى قاۋىپسىزدىگىن قامتاماسىز ەتۋگە الەۋمەتتىك جەلىلەردىڭ, اتا-انالار مەن قامقورشىلاردىڭ جاۋاپكەرشىلىگىن ارتتىرۋ», دەلىنگەن رەسمي حابارلامادا.
سونداي-اق الەۋمەتتىك جەلىلەر قولدانىستاعى پايدالانۋشىلاردىڭ جاسىن التى اي ىشىندە كەزەڭ-كەزەڭىمەن تەكسەرۋدەن وتكىزۋى ءتيىس.
ەۋرووداق بالالاردىڭ الەۋمەتتىك جەلىگە كىرۋىن شەكتەۋدى جوسپارلاپ وتىر
سوڭعى جىلدارى مالايزيادا زياندى ينتەرنەت-كونتەنتتىڭ كۇرت كوبەيۋىنە بايلانىستى بيلىك الەۋمەتتىك جەلى پلاتفورمالارىنا باقىلاۋدى كۇشەيتىپ كەلەدى. ەل بيلىگى ۇلتارالىق جانە دىنارالىق ارازدىقتى قوزدىرۋعا باعىتتالعان ماتەريالدارعا, سونداي-اق مونارحيانى سىنايتىن كونتەنتكە قارسى شارالاردى دا قاتاڭداتىپ وتىر.
