فوتو: istockphoto.com
جازبادا الماتى وبلىسىنىڭ تۇرعىنى 29 جاستاعى باۋىرىنىڭ 23 مامىر كۇنى جۇمىسقا كەتىپ, ۇيىنە ورالماعانىن جازعان. تۋىستارى بىرنەشە كۇن بويى ىزدەۋ جۇرگىزىپ, 27 مامىر كۇنى ونىڭ ءمايىتى تابىلعانىن بىلگەن.
ونىڭ ايتۋىنشا, ەر ادامنىڭ دەنەسى ءوزى جۇمىس ىستەگەن دەمالىس ايماعىنىڭ ماڭىنان تابىلعان.
«ونى بىرگە جۇمىس ىستەگەن ارىپتەستەرى ولتىرگەن. ءبىر ءتۇن بويى ازاپتاعان. ۇشەۋى ءبىر ادامعا شابۋىل جاساپ, تاسپەن ۇرعان. كەيىن ءتىرى كۇيدە جەرگە كومىپ تاستاعان», دەپ جازدى مارقۇمنىڭ اپكەسى.
الماتى وبلىستىق پوليتسيا دەپارتامەنتىنىڭ مالىمەتىنشە, 27 مامىر كۇنى ۇيعىر اۋداندىق پوليتسياسىنا ەر ادامنىڭ جوعالىپ كەتكەنى تۋرالى ارىز تۇسكەن.
«ادام ءولتىرۋ جانە قىلمىستى جاسىرۋ فاكتىلەرى بويىنشا قىلمىستىق ىستەر قوزعالدى. ەكى كۇدىكتى قاماۋعا الىندى. ءۇشىنشى ادامعا قاتىستى پروتسەسسۋالدىق شەشىم تەرگەۋ ناتيجەسىنە قاراي قابىلدانادى», دەلىنگەن حابارلامادا.
اقمولا وبلىسىندا ايەلدى ازاپتاپ ولتىرگەن ەر ادام 24 جىلدان كەيىن سوتتالدى
الدىن الا مالىمەت بويىنشا, دەمالىس ايماعىندا الكوگول ءىشىپ وتىرعان بىرنەشە ادام اراسىندا جانجال تۋىنداعان. سالدارىنان جابىرلەنۋشى سوققىعا جىعىلىپ, قىلمىستى جاسىرۋ ماقساتىندا جەرگە كومىلگەن.
ەسكە سالا كەتەيىك, بۇعان دەيىن الماتى وبلىسىنىڭ تالعار اۋدانىندا اكەسىنە قۇران باعىشتايمىن دەپ بارعان 24 جاستاعى نۇرا اۋىلىنىڭ تۇرعىنى كىسى قولىنان قازا تاپقان ەدى.
