فوتو: اشىق دەرەككوز
سوت وتىرىسىندا قازا تاپقان قىزدىڭ اناسى باقىتگۇل جولداسوۆا مەن مارقۇم جۇرگىزۋشىنىڭ اپكەسى لياززات تىلەمىسوۆا ايىپتالۋشىعا قاتىستى ەشقانداي تالاپتارىنىڭ جوق ەكەنىن ايتتى.
لياززات تىلەمىسوۆانىڭ سوزىنشە, كەلتىرىلگەن ماتەريالدىق جانە مورالدىق شىعىن تولىق وتەلگەن.ء وز كەزەگىندە باقىتگۇل جولداسوۆا دا ايىپتالۋشىمەن تاتۋلاسقانىن مالىمدەدى.
«ول ىستەگەن قىلمىسى ءۇشىن وكىنەتىنىن جەتكىزىپ, كەشىرىم سۇرادى. ماتەريالدىق جانە مورالدىق شىعىندى تولىق وتەدى. مەنىڭ دە, تۋىستارىمنىڭ دا وعان قوياتىن تالابىمىز جوق. ءبىز ءوز ەركىمىزبەن تاتۋلاستىق», دەدى باقىتگۇل جولداسوۆا.
سونداي-اق ول بۇعان دەيىن ءوز مۇددەسىن قورعاعان ادۆوكات مەيىرمان شەكەەۆتىڭ قىزمەتىنەن باس تارتقانىن جەتكىزدى. تاراپتار مارقۇمنىڭ تۋىستارى الەكساندر پاكتى تولىق كەشىرگەنىن ايتىپ, وعان باس بوستاندىعىن ايىرۋدان وزگە جەڭىل جازا تاعايىنداۋدى دا قولدايتىنىن اتاپ ءوتتى. ال جول اپاتىنان قازا تاپقان ءۇشىنشى ادام – توميريس قىدىربەكوۆانىڭ تۋىستارىنىڭ ۇستانىمى 4 ماۋسىمعا بەلگىلەنگەن كەلەسى سوت وتىرىسىندا قارالادى.
ايتا كەتەيىك, بۇعان دەيىنگى سوت وتىرىسىندا ايىپتالۋشى الەكساندر پاك ءوز كىناسىن تولىق مويىنداپ, كەشىرىم سۇراعان بولاتىن.
