بۇگىندە سسكوب ءوندىرىس الاڭدارىندا 12 مىڭنان استام قىزمەتكەر ەڭبەك ەتىپ ءجۇر. ERG كەنشىلەرى جاڭا كونستيتۋتسيانىڭ قابىلدانۋى وسىعان دەيىنگى دامۋ كەزەڭىن تۇيىندەپ, ەلدىڭ جاڭا تاريحىنىڭ, مەملەكەت دامۋىنداعى جاڭا كەزەڭىنىڭ باستاۋى بولارىنا سەنىمدى.
كونستيتۋتسيالىق رەفورما – باسىمدىقتار جۇيەسىنىڭ ايقىن كورىنىسى. ولاردىڭ ەڭ ماڭىزدىسى – تۇراقتىلىق, باسقارىمدىلىق پەن بىرىزدىلىك. بۇل قاتاردى ودان ءارى تولىقتىرىپ, ەندىگى جەردە «ەڭبەك قاۋىپسىزدىگى – مەملەكەتتىڭ مىندەتى» دەپ تانىلعانىن ايتا كەتكەن ءجون. ەڭبەككەرلەر ۇجىمىندا وندىرىستەگى ادام ومىرىنە قاۋىپتى ەكونوميكالىق ماقساتتاردى نەمەسە كاسىپتىڭ وزىندىك ەرەكشەلىكتەرىن ەشبىر جاعدايدا اقتاۋعا بولمايتىنى ماڭىزدى دەپ سانالادى. ەندىگى جەردە مەملەكەت پەن جۇمىس بەرۋشى جاراقات الۋ فاكتىلەرىنىڭ, اپاتتار مەن كاسىبي اۋرۋلاردىڭ الدىن الۋ ىسىنە تىكەلەي جاۋاپتى.
«كونستيتۋتسيالىق وزگەرىستەر ءاردايىم ەلدىڭ تەك بۇگىنگى عانا ەمەس, ۇزاق جىلدارداعى ورنىقتى دامۋىنىڭ العىشارتتارىن ايقىندايدى. مۇنىڭ ونەركاسىپ سالاسى ءۇشىن ماڭىزى ەرەكشە. بۇل جەردە ادامدار, ەڭبەك قاۋىپسىزدىگى, الەۋمەتتىك تۇراقتىلىق, ەكونوميكالىق ورتانىڭ ساپاسى ءسوز بولىپ وتىر. جاڭا كونستيتۋتسيا ەڭبەك ادامىنىڭ ءرولىن نىعايتادى. زاماناۋي جاۋاپكەرشىلىك تەپە-تەڭدىگىن قالىپتاستىرىپ, ءوندىرىستى دامىتۋ مەن قىزمەتكەرلەر مۇددەسىن قورعاۋ ەندىگى جەردە ءبىر-بىرىمەن تىعىز بايلانىستى مىندەتكە اينالادى. مىنە, سوندىقتان رەفەرەندۋمعا قاتىسۋ – ەلدىڭ ەرتەڭگى دامۋ تراەكتورياسىن ايقىندايتىن ءار ازاماتتىڭ سانالى تاڭداۋى», دەدى ERG ديرەكتورلار كەڭەسىنىڭ توراعاسى, باس اتقارۋشى ديرەكتورى شۋحرات يبراگيموۆ.
تاۋ-كەن الىبىنىڭ قىزمەتكەرلەرى بۇگىنگى وزگەرىستەردىڭ قايدا باعىتتالعانىن جەتە تۇسىنەدى ءارى ولارعا بەلسەنە قاتىسۋعا دايار.
ولار بارشا قازاقستاندىقتاردى الداعى رەفەرەندۋمعا كەلىپ, ءوز تاڭداۋلارىن جاساۋعا شاقىرادى. ارقايسىمىزدىڭ داۋىسىمىز ماڭىزدى!
