فوتو: قر تجم
زاماناۋي L-410 ۇشاعى وڭىردەگى تجم اۆياتسياسىنىڭ مۇمكىندىكتەرىن ەداۋىر كەڭەيتەدى. اۋە كەمەسى توتەنشە جاعدايلارعا جەدەل دەن قويۋعا, گۋمانيتارلىق كومەكتى جەتكىزۋگە, قۇتقارۋشىلاردى تاسىمالداۋعا جانە جەتۋى قيىن ايماقتاردان حالىقتى ەۆاكۋاتسيالاۋعا ارنالعان. اسىرەسە كۇردەلى رەلەفى, تاۋلى اۋماعى جانە قاتال كليماتتىق جاعدايلارى بار شىعىس قازاقستان وبلىسى ءۇشىن ماڭىزدى.
«تۇرعىندارىنىڭ ەداۋىر بولىگى تاۋلى جانە جەتۋى قيىن اۋماقتاردا ورنالاسقان ءبىزدىڭ ءوڭىر ءۇشىن L-410 ۇشاعىنىڭ كەلۋى ەرەكشە ماڭىزعا يە. بۇل اۋە كەمەسى توتەنشە جاعدايلار كەزىندە جەدەل ارەكەت ەتۋ, ىزدەستىرۋ-قۇتقارۋ جۇمىستارىن جۇرگىزۋ جانە سانيتارلىق رەيستەردى ورىنداۋ مۇمكىندىگىن ايتارلىقتاي ارتتىرادى», دەدى شىعىس قازاقستان وبلىسى تجد باستىعى راشيد بليالوۆ.
L-410 ۇشاعى 2 570 شاقىرىمعا دەيىن ۇشۋعا, 6 100 مەتر بيىكتىككە كوتەرىلۋگە جانە 19 جولاۋشىنى نەمەسە 1 800 كيلوگراممعا دەيىن جۇك تاسىمالداۋعا قابىلەتتى. كابيناسى ءدال ناۆيگاتسيانى جانە ۇشۋ پارامەترلەرىن تولىق باقىلاۋدى قامتاماسىز ەتەتىن زاماناۋي Garmin 3 000 اۆيونيكاسىمەن جاراقتالعان. وسى مودەل سانيتارلىق اۆياتسياعا دا بەيىمدەلگەن.
بورتتا اۋىر ناۋقاستاردى تاسىمالداۋعا ارنالعان زاماناۋي زەمبىلدەر مەن ارنايى جۇيەلەر ورناتىلعان. جاقىن ۋاقىتتا اۋە كەمەسىن ساقتاۋ جانە تەحنيكالىق قىزمەت كورسەتۋگە ارنالعان انگاردىڭ قۇرىلىسى باستالادى. سونداي-اق ءوڭىر ەكيپاج ءۇشىن جۇمىس جانە دەمالىسقا قولايلى جاعداي جاساۋدى قامتاماسىز ەتۋگە قاتىسادى. ەكيپاج چەحيادا ۇشاقتى شىعارعان Omnipol كومپانياسىنىڭ وقۋ ورتالىعىندا وقۋدان ءوتتى. دايىندىق باعدارلاماسى ۇشۋ بولىگىن دە, اۋە كەمەسىنە تەحنيكالىق قىزمەت كورسەتۋدى دە قامتىدى.
تجم تىكۇشاعى كىشكەنتاي نارەستەنى ورتالىق اۋرۋحاناعا شۇعىل جەتكىزدى
بىلتىر قاراشا ايىندا تجم اۆياتسيالىق پاركى كەز كەلگەن اۋماققا قونا الاتىن ۇشاقپەن تولىقتى.
