فوتو: اشىق دەرەككوز
جوبا ءوزىن ماركەتپلەيس رەتىندە تانىستىرىپ, قاتىسۋشىلارعا تۇراقتى تابىس اكەلەتىن ءتۇرلى ينۆەستيتسيالىق «دۇكەن» پاكەتتەرىن ساتىپ الۋ ۇسىنعان. ساۋدا قىزمەتىن يميتاتسيالاۋ ماقساتىندا جەكە كابينەتتە شىن مانىندە بولماعان تاۋارلارعا قاتىستى ورىندالعان تاپسىرىستار مەن جەتكىزىلىمدەر كورسەتىلىپ, سول ءۇشىن ۆيرتۋالدى سىياقىلار ەسەپتەلگەن.
نەگىزگى نازار رەفەرالدىق جۇيەگە اۋدارىلعان: قاتىسۋشىلارعا جاڭا سالىمشىلاردى تارتقانى ءۇشىن اقشالاي بونۋستار مەن باعالى سىيلىقتار ۋادە ەتىلگەن.
اگرەسسيۆتى وڭىرلىك ماركەتينگ پەن اۋقىمدى جارنامالىق ناۋقاننىڭ ناتيجەسىندە ۇيىمداستىرۋشىلار زاڭسىز سحەماعا شامامەن 1,5 مىڭ سالىمشىنى تارتقان.
جوبانى ىلگەرلەتۋ ماقساتىندا جابىق ۇگىت-ناسيحات كەشتەرى, كەڭسەلەردىڭ سالتاناتتى اشىلۋ راسىمدەرى جانە جاپپاي تانىستىرىلىمدار وتكىزىلگەن. اتالعان ءىس-شارالار الەۋمەتتىك جەلىلەردە كەڭىنەن جاريالانىپ, حالىقتىڭ سەنىمىن قالىپتاستىرۋ قۇرالى رەتىندە پايدالانىلعان.
«اقشا قاراجاتىن شىعارۋ كريپتوۆاليۋتالىق پلاتفورما ارقىلى جۇزەگە اسىرىلىپ, كەيىن بانكتىك شوتتارعا اۋدارىلعان. اگەنتتىكتىڭ جەدەل شارالارى ناتيجەسىندە 474 مىڭ USDT كولەمىندەگى كريپتواكتيۆتەرگە تىيىم سالىندى. تەرگەپ-تەكسەرۋ جۇمىستارى جالعاسىپ جاتىر. قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى», دەلىنگەن اقپاراتتا.
ايتا كەتەيىك, بۇعان دەيىن WhatsApp جەلىسىندە توپ قۇرعان «ENVIDA AI» قارجى پيراميداسىنا قاتىستى تەرگەۋ باستالعانى تۋرالى جازعان بولاتىنبىز.
