تەرگەۋ مالىمەتىنشە, ول Instagram الەۋمەتتىك جەلىسىندە ايەلدەر كيىمىن ساتاتىنى تۋرالى جالعان حابارلاندىرۋ جاريالاپ, ساتىپ الۋشىلاردان الدىن الا تولەم قابىلداعان. الايدا ۋادە ەتىلگەن تاۋاردى جەتكىزبەي, تۇسكەن اقشانى جەكە قاجەتىنە جۇمساعان.
تەمىرتاۋ قالالىق سوتى ايەلدى الاياقتىق جاساعانى ءۇشىن كىنالى دەپ تانىپ, 3 جىل 6 ايعا باس بوستاندىعىنان ايىردى. كەيىن اپەللياتسيالىق سوت «قازاقستان رەسپۋبليكاسى كونستيتۋتسياسىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭدى قولدانىپ, جازا مەرزىمىن 2 جىل 4 ايعا دەيىن قىسقارتقان.
الايدا سوت اكتىلەرىن زەردەلەۋ بارىسىندا راقىمشىلىقتىڭ نەگىزسىز قولدانىلعانى انىقتالدى. زاڭ تالاپتارىنا سايكەس, الدىڭعى ۇكىم بويىنشا جازاسىن وتەپ جۇرگەن كەزدە قاساقانا قىلمىس جاساعان ادامدار راقىمشىلىققا ىلىكپەيدى.
باس پروكۋراتۋرانىڭ نارازىلىعىنان كەيىن راقىمشىلىق تۋرالى شەشىمنىڭ كۇشى جويىلىپ, سوتتالعان ايەلگە باستاپقى تاعايىندالعان 3 جىل 6 اي مەرزىمدەگى جازا قايتا قالپىنا كەلتىرىلدى.
بيشىمباەۆ پەن پەريزات قايراتقا راقىمشىلىق جاسالا ما؟ ءىىم ۆيتسە-ءمينيسترى جاۋاپ بەردى
پروكۋراتۋرا وكىلدەرى راقىمشىلىقتىڭ گۋمانيزم قاعيداتىنا نەگىزدەلگەنىن, الايدا ول جازاسىن وتەۋ كەزىندە قايتادان قاساقانا قىلمىس جاساعان ازاماتتارعا قولدانىلمايتىنىن اتاپ ءوتتى.
