فوتو: Polisia.kz
ۇلاندىقتار قوعامدىق ءتارتىپتى قاداعالاۋعا, قاۋىپسىزدىك ەرەجەلەرىنىڭ ساقتالۋىنا, جولاۋشىلار قوزعالىسىن رەتتەۋگە كومەكتەسەدى.
ستانتسيالارداعى تۇراقتىلىقتى ۇيلەستىرۋ قاجەتتىلىگى جولاۋشىلار اعىنىنىڭ جانە تۇرعىنداردىڭ جاڭا كولىك وبەكتىسىنە دەگەن سۇرانىسىنىڭ ارتۋىنا بايلانىستى تۋىنداپ وتىر.
LRT-نى توقتاتقان جولاۋشىلار قىلمىستىق جاۋاپكەرشىلىككە تارتىلۋى مۇمكىن
قوعامدىق ءتارتىپ اسكەرىنىڭ ساربازدارى ستانتسيالاردىڭ ىشىندە عانا ەمەس, وعان ىرگەلەس اۋماقتاردا دا قىزمەت اتقارادى. دالىرەك ايتساق, ازاماتتارعا كومەك كورسەتەدى جانە جولاۋشىلاردىڭ قاۋىپسىز قوزعالىسىن قامتاماسىز ەتەدى.
نەگىزگى مىندەت – ەلوردا تۇرعىندارى مەن قوناقتارى ءۇشىن قولايلى جاعداي جاساۋ, سونداي-اق قوعامدىق قۇقىقبۇزۋشىلىقتاردىڭ الدىن الۋ. ازاماتتاردىڭ قاۋىپسىزدىگىنە جانە توتەنشە جاعدايلارعا جول بەرمەۋگە ەرەكشە نازار اۋدارىلادى.
ءبىر بيلەتپەن ەكى ادام وتۋگە بولمايدى: LRT باسشىلىعى جولاۋشىلارعا ەسكەرتۋ جاسادى
قازىر قىزمەت 17 ستانتسيادا ەكى اۋىسىمدىق رەجيممەن جۇرگىزىلىپ جاتىر. ستانتسيالاردا جولاۋشىلار اعىنىن رەتتەۋگە جانە تۇراقتىلىقتىڭ ساقتالۋىنا باسىمدىق بەرىلىپ وتىر. اتالعان شارالار پوليتسيا قىزمەتكەرلەرىمەن, كولىك قىزمەتتەرىنىڭ وكىلدەرىمەن جانە LRT اكىمشىلىگىمەن تىعىز بىرلەسىپ ۇيىمداستىرىلعان.
