فوتو: istockphoto.com
ماۋسىم ايى بويى ەلىمىزدە «اۆتوبۋس» جەدەل-پروفيلاكتيكالىق ءىس-شاراسى وتەدى. ءىس-شارا اياسىندا پوليتسيا قىزمەتكەرلەرى جاسوسپىرىمدەر اراسىنداعى قۇقىق بۇزۋشىلىقتاردىڭ الدىن الۋ جۇمىستارىن كۇشەيتىپ, بالالار لاگەرلەرى مەن جاپپاي دەمالىس ورىندارىنداعى قاۋىپسىزدىك شارالارىن تەكسەرەدى. سونىمەن قاتار تۇنگى ۋاقىتتا ەرەسەكتەردىڭ قاراۋىنسىز كوشەدە جۇرگەن كامەلەتكە تولماعانداردى انىقتاۋ بويىنشا رەيدتەر جالعاسادى.
ىشكى ىستەر مينيسترلىگىنىڭ مالىمەتىنشە, بۇل شارالار قۇقىق بۇزۋشىلىقتاردىڭ الدىن الۋعا جانە بالالاردىڭ جازعى دەمالىسىن قاۋىپسىز ۇيىمداستىرۋعا باعىتتالعان.
«بالالار لاگەرلەرى قوسىمشا ءبىلىم بەرۋ نىساندارى قاتارىنا ەنگىزىلدى. ولار تەرروريزم تۇرعىسىنان وسال نىساندار ساناتىنا جاتقىزىلدى. اكىمدىكتەر ولاردى قىسقا مەرزىم ىشىندە اۋماقتىق تىزىمدەرگە ەنگىزۋى قاجەت. وسىعان سايكەس, ءىىم لاگەر قىزمەتكەرلەرىن تەكسەرىپ, بالالار تاسىمالىنىڭ قاۋىپسىز بولۋىن قامتاماسىز ەتەدى», دەدى ىشكى ىستەر ءمينيسترى ەرجان سادەنوۆ.
قازاقستاندا بالالاردىڭ قاۋىپسىزدىگىنە 1,3 ترلن تەڭگە جۇمسالادى
ەسكە سالا كەتەيىك, بۇعان دەيىن وقۋ-اعارتۋ ءمينيسترى جۇلدىز سۇلەيمەنوۆا جازعى دەمالىستا بالالارعا ارنالعان 11 مىڭنان اسا ورتالىق جۇمىس ىستەيتىنىن مالىمدەگەن بولاتىن.
