فوتو: Polisia.kz
«28 مامىردا كيەۆ قالاسىندا ەۋروپا مەن تمد ەلدەرىندە سينتەتيكالىق ەسىرتكى ءوندىرۋ جانە تاراتۋمەن اينالىسقان قىلمىستىق ۇيىمعا تيەسىلى call-ورتالىقتاردىڭ قىزمەتى توقتاتىلدى. تەرگەۋ بارىسىندا بۇل ورتالىقتاردىڭ ادامداردى ەسىرتكى بيزنەسىنە تارتۋ ءۇشىن پايدالانىلعانى انىقتالدى. وپەراتورلار مەن مەنەدجەرلەر قازاقستان اۋماعىندا ەسىرتكى جاسىرۋشى جانە ەسىرتكى وراۋشى رولىنە ادامداردى ىزدەپ, ولاردى زاڭسىز جۇمىسقا قابىلداعان», دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى ەلدار ابدىكەنوۆ.
شەتەلدەن ەسىرتكى تاسىمالداعان ايەل باس بوستاندىعىنان ايىرىلدى
ارنايى وپەراتسيا ناتيجەسىندە 11 ادام ۇستالدى. ولاردىڭ اراسىندا ۇيىمداستىرۋشىلار, وپەراتورلار جانە ادامداردى زاڭسىز جۇمىسقا تارتۋمەن اينالىسقان قىزمەتكەرلەر بار. توعىز مەكەنجايدا ءتىنتۋ جۇرگىزىلىپ, شامامەن 40 مىڭ دوللار, 10 مىڭ ەۋرو, Range Rover اۆتوكولىگى, 18 ۇيالى تەلەفون, 12 نوۋتبۋك پەن پلانشەت تاركىلەندى.
«قازىر تاركىلەنگەن تەحنيكاداعى مالىمەتتەر زەرتتەلىپ جاتىر. سونىمەن قاتار ۇيىمداستىرۋشىلاردىڭ اككاۋنتتارى انىقتالىپ, قارجىلىق تەرگەۋ جۇرگىزىلەدى», دەدى ەلدار ابدىكەنوۆ.
ءبىر كەلى ەسىرتكى جۇتقان: قازاقستانعا اپيىن وتكىزبەك بولعان شەتەلدىك ۇستالدى
بۇل call-ورتالىقتاردىڭ جابىلۋى قازاقستان ازاماتتارىن ەسىرتكى قىلمىستارىنا تارتۋ فاكتىلەرىن ازايتىپ, حالىقارالىق ەسىرتكى بيزنەسىن ۇيىمداستىرۋشىلاردى جاۋاپقا تارتۋعا مۇمكىندىك بەرەدى.
ايتا كەتەيىك, الماتىدا ۇلتتىق قاۋىپسىزدىك كوميتەتى سينتەتيكالىق ەسىرتكى وندىرەتىن جاسىرىن زەرتحانانىڭ قىزمەتىن توقتاتتى.
