ۆيدەودان سكرينشوت
جەلىدە دەپورتاتسيالانعان بالالاردىڭ ەلوردادا قايتا پايدا بولعانى تۋرالى قىزۋ تالقىلانىپ جاتىر. ۆيدەودا ءبىر توپ ءجاسوسپىرىمنىڭ قوعامدىق كولىكتە وتىرعانى كورىنەدى.
پوليتسيا نە دەيدى؟
الماتى قالالىق پوليتسيا دەپارتامەنتى بۇل اقپاراتتى تەكسەرىپ, ۆيدەونى ەسكى جازبا دەپ مالىمدەدى. ۆەدومستۆونىڭ حابارلاۋىنشا, كادرلار 2024 جىلى تۇسىرىلگەن جانە قازىرگى جاعدايعا قاتىسى جوق.
سونداي-اق پوليتسيا اتالعان جاسوسپىرىمدەرگە قاتىستى سوت شەشىمى شىعىپ, ولاردىڭ قازاقستان اۋماعىنان شىعارىلعانىن ەسكە سالدى.
ەسكە سالساق, بيىل كوكتەمدە الماتىدا اگرەسسيۆتى مىنەز كورسەتكەن ءبىر توپ ءجاسوسپىرىم قوعامنىڭ نازارىن اۋدارعان بولاتىن. قالا تۇرعىندارىنىڭ ايتۋىنشا, ولار ادامداردان اقشا تالاپ ەتىپ, جانجال شىعارىپ, كەيبىر جاعدايدا ءوتىپ بارا جاتقان ازاماتتارعا تاس لاقتىرعان.
كەيىن پوليتسيا ولاردىڭ جەكە باسىن انىقتاپ, جاسوسپىرىمدەردىڭ Tاجىكستان ازاماتتارى ەكەنىن حابارلاعان. سوت شەشىمىمەن ولار قازاقستاننان شىعارىلىپ, ەلگە قايتا كىرۋىنە تىيىم سالىنعان.
