بۇل – مەملەكەتتىك قىزمەتتەردى الۋدىڭ ساپاسىن جاڭا دەڭگەيگە كوتەرۋگە باعىتتالعان زاماناۋي ءارى يننوۆاتسيالىق كەڭىستىك. جوبا حالىقتىڭ تسيفرلىق ساۋاتتىلىعىن ارتتىرۋعا, ەلەكتروندىق قىزمەتتەردى وزدىگىنەن پايدالانۋ مادەنيەتىن قالىپتاستىرۋعا جانە ازاماتتار مەن مەملەكەت اراسىنداعى ءوزارا ءىس-قيمىلدىڭ ىڭعايلى, زاماناۋي ءارى تەحنولوگيالىق ورتاسىن دامىتۋعا باعىتتالعان.
ء«بىز تەك جاڭا بۋىنداعى حالىققا قىزمەت كورسەتۋ ورتالىقتارىن اشىپ جاتقان جوقپىز. ءبىز مەملەكەت پەن ازامات اراسىنداعى بايلانىستىڭ جاڭا مادەنيەتىن قالىپتاستىرىپ جاتىرمىز. الداعى ۋاقىتتا Apple Store ۇلگىسىندەگى مۇنداي ورتالىقتار ەلىمىز بويىنشا كەزەڭ-كەزەڭىمەن ەنگىزىلەدى. ينفراقۇرىلىمنىڭ دايىندىعىنا قاراي استانا مەن پاۆلودار قالالارىندا دا ىسكە قوسۋدى جوسپارلاپ وتىرمىز», دەيدى مەملەكەتتىك كورپوراتسيانىڭ باسقارما توراعاسى ارمان كەنجەعاليەۆ.
Smart Point – ازاماتتارعا وپەراتورلاردىڭ كومەگىنسىز مەملەكەتتىك قىزمەتتەردى ءوز بەتىنشە الۋعا مۇمكىندىك بەرەتىن زاماناۋي جوعارى تەحنولوگيالىق كەڭىستىك. مۇنداي ءتاسىل كۇتۋ ۋاقىتىن ەداۋىر قىسقارتىپ قانا قويماي, مەملەكەتتىك تسيفرلىق سەرۆيستەردى قولايلى ءارى ءتيىمدى پايدالانۋعا جاڭا مۇمكىندىكتەر اشادى.
ورتالىق بىرنەشە فۋنكتسيونالدىق ايماقتان تۇرادى. ولاردىڭ ارقايسىسى زاماناۋي پايدالانۋشىلاردىڭ قاجەتتىلىكتەرىن ەسكەرە وتىرىپ جاساقتالعان. ەكسپرەسس-ايماقتا مەملەكەتتىك قىزمەتتەردى وزدىگىنەن الۋعا ارنالعان تەرمينالدار ورناتىلعان. سونىمەن قاتار قۇجاتتاردى مەسسەندجەرلەر مەن باسقا دا تسيفرلىق بايلانىس ارنالارى ارقىلى جەدەل جولداۋعا مۇمكىندىك قاراستىرىلعان.
ال تسيفرلىق ايماق سىمسىز قۋاتتاۋ قۇرىلعىلارىمەن جانە جوعارى جىلدامدىقتى سكانەرلەرمەن جابدىقتالعان. بۇل كەلۋشىلەرگە قاجەتتى قۇجاتتاردى جەدەل تسيفرلاندىرىپ, مەملەكەتتىك اقپاراتتىق جۇيەلەرگە جۇكتەۋگە مۇمكىندىك بەرەدى. ساراپتامالىق ايماق كۇردەلى مەملەكەتتىك قىزمەتتەردى مامانداردىڭ سۇيەمەلدەۋىمەن الۋعا ارنالعان.
ەرەكشە نازار تسيفرلىق ساۋاتتىلىقتى ارتتىرۋ ايماعىنا اۋدارىلعان. مۇندا ينتەراكتيۆتى ەكران جانە وقىپ-ۇيرەنۋگە ءارى دەمالۋعا قولايلى كەڭىستىك قاراستىرىلعان. تۇرعىندار بۇل جەردە تسيفرلىق داعدىلارىن تەگىن جەتىلدىرىپ, جاڭا ەلەكتروندىق سەرۆيستەردى مەڭگەرىپ, تسيفرلىق مەملەكەتتىڭ مۇمكىندىكتەرىن سەنىمدى پايدالانا الادى.
164 ملن تەڭگە شىعىن: الماتىدا جۇك كولىكتەرىن زاڭسىز تىركەگەن حقكو-نىڭ قىزمەتكەرلەرى سوتتالدى
ورتالىقتىڭ باستى ماقساتى – تۇرعىندارعا ىڭعايلى, قولجەتىمدى جانە اشىق ورتا قالىپتاستىرىپ, تسيفرلىق تەحنولوگيالاردى كۇندەلىكتى ومىرگە كەڭىنەن ەنگىزۋ.
«بۇگىندە حالىققا مەملەكەتتىك قىزمەتتەردى بارىنشا ىڭعايلى ءارى قولجەتىمدى ەتۋ – باستى مىندەتتىڭ ءبىرى. ۇلىتاۋ وبلىسىنىڭ رەسپۋبليكا بويىنشا مۇنداي فورماتتاعى جوبانى العاش بولىپ ىسكە قوسۋى – ءبىز ءۇشىن ۇلكەن جەتىستىك ءارى ءوڭىردىڭ تسيفرلىق ترانسفورماتسياعا دايىن ەكەنىنىڭ ناقتى كورىنىسى», دەدى وبلىس اكىمى داستان رىسپەكوۆ.
ەندى تۇرعىندار ءتۇرلى قىزمەتتى ءبىر جەردەن, كەزەكسىز ءارى زاماناۋي فورماتتا الا الادى. بۇل ۋاقىتتى ۇنەمدەۋگە مۇمكىندىك بەرەدى. ەڭ باستىسى, ازاماتتارعا بۇرىنعىداي ءار مەكەمەنى ارالاپ, بانك بولىمشەلەرىنە بارىپ, تولەم جاساپ ءجۇرۋدىڭ قاجەتى بولمايدى. بارلىق سەرۆيس قولجەتىمدى بولادى.
جۇرگىزۋشى كۋالىگى 400 مىڭ تەڭگە: شىمكەنتتە حقكو قىزمەتكەرلەرى ۇستالدى
ۇلىتاۋ وبلىسى
