فوتو: Pexels
اقسۋ اۋداندىق پروكۋراتۋراسىنىڭ مالىمەتىنشە, سىبايلاس جەمقورلىققا قارسى زاڭنامانىڭ ساقتالۋىنا جۇرگىزىلگەن تالداۋ كەزىندە مەملەكەتتىك ورگانداردىڭ ءبىرىنىڭ قىزمەتكەرى قۇمار ويىندارعا تۇراقتى تۇردە قاتىسىپ كەلگەنى بەلگىلى بولعان. ال قولدانىستاعى زاڭناماعا سايكەس مەملەكەتتىك قىزمەتشىلەرگە مۇنداي ارەكەتكە تىيىم سالىنعان.
قاداعالاۋ ورگانى مۇنداي قىلىق مەملەكەتتىك قىزمەت بەدەلىنە نۇقسان كەلتىرەتىن تارتىپتىك تەرىس قىلىق رەتىندە باعالاناتىنىن اتاپ ءوتتى. پروكۋرورلىق قاداعالاۋ اكتىسىنەن كەيىن اتالعان قىزمەتكەر لاۋازىمىنان بوساتىلىپ, جۇمىستان شىعارىلعان.
پروكۋراتۋرا وكىلدەرى مۇنداي زاڭبۇزۋشىلىقتاردىڭ الدىن الۋ جۇمىستارى الداعى ۋاقىتتا دا جالعاساتىنىن مالىمدەدى. سونداي-اق مەملەكەتتىك قىزمەتشىلەر زاڭ تالاپتارىن قاتاڭ ساقتاپ, قوعام الدىنداعى جاۋاپكەرشىلىكتى سەزىنۋى قاجەت ەكەنىن ەسكە سالدى.
ەسكە سالايىق, بۇعان دەيىن سولتۇستىك قازاقستان وبلىسىندا قۇمار ويىن ويناعان مەملەكەتتىك قىزمەتكەرلەر جۇمىستان قۋىلعان.
