شىعىس قازاقستان وبلىسىندا قىلمىستىق اتقارۋ جۇيەسى قىزمەتكەرلەرى تىيىم سالىنعان زاتتاردى كولونيا اۋماعىنا وتكىزۋدىڭ جولىن كەستى, دەپ حابارلايدى Egemen.kz
وقيعا مەكەمە №17 اۋماعىندا بولعان. قورشاۋ ارقىلى ورالعان زاتتى لاقتىرماق بولعان جاس جىگىت ۇستالدى. تەكسەرۋ بارىسىندا ودان ءتۇرلى ماركالى 15 ۇيالى تەلەفون تاركىلەندى. تەرگەۋ دەرەگىنشە, بۇل قۇرىلعىلار سوتتالعانداردىڭ بىرىنە ارنالۋى مۇمكىن.
قاج دەپارتامەنتىنىڭ مالىمەتىنشە, ۇيالى تەلەفوندار مەكەمەلەرگە ءجيى وتكىزىلمەك بولاتىن تىيىم سالىنعان زاتتاردىڭ قاتارىنا جاتادى, ويتكەنى ولار ۇستاۋ رەجيمىن بۇزۋعا مۇمكىندىك بەرەدى. اتالعان فاكتى بويىنشا جاۋاپكەرشىلىككە تارتۋ ءۇشىن ماتەريالدار جينالىپ جاتىر.