ەلوردالىق ءورت سوندىرۋشىلەر بايقوڭىر اۋدانى ن.گاستەللو كوشەسى بويىندا ورنالاسقان ەكى قاباتتى عيماراتتاعى ءورتتى ءسوندىرىپ جاتىر, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمەتىنشە, زارداپ شەككەندەر تۋرالى اقپارات جوق. ورتكە قارسى قىزمەت جوعارى رانگ بويىنشا جۇمىس جۇرگىزىپ جاتىر.
ءبىرىنشى ءورت ءسوندىرۋ جاساقتارى كەلگەن كەزدە عيمارات شاتىرىنىڭ اشىق جالىنمەن جانىپ جاتقانى انىقتالدى.
ء«ورتتى ءسوندىرۋ شتابى ۇيىمداستىرىلىپ, 3 جاۋىنگەرلىك ۋچاسكە جۇمىس ىستەپ جاتىر. سۋدىڭ ۇزدىكسىز بەرىلۋى قامتاماسىز ەتىلدى», دەلىنگەن حابارلامادا.
قازىرگى ۋاقىتتا ءورتتىڭ تارالۋ قاۋپى جويىلدى. ءورت وقشاۋلاندى. قاۋىپسىز قاشىقتىققا 8 گاز باللون شىعارىلدى.
ەسكە سالا كەتەيىك, كەشە استانىڭ سول جاعالاۋىندا جۇك كولىگى ورتكە ورانعان ەدى. زارداپ شەككەندەر جوق, ءورتتىڭ شىعۋ سەبەبى انىقتالىپ جاتىر.