«رەال مادريد» تاجىريبەلى قورعاۋشى داۆيد الابانىڭ كلۋبتان كەتەتىنىن رەسمي تۇردە جاريالادى, دەپ حابارلايدى Egemen.kz
اۆستريالىق ورتالىق قورعاۋشى كورولدىك كلۋبپەن رەسمي تۇردە قوش ايتىستى. ەكى تاراپ ءوزارا كەلىسىم بويىنشا كەلىسىمشارتتى بۇزىپ, مادريتتىك كوماندانىڭ كوپ جىلدان بەرى قورعانىسىندا كوش باستاعان ويىنشى, ترانسفەرلىك وزگەرىس جاساۋعا جول اشتى.
وسىلايشا, الابانىڭ مادريدتەگى كەزەڭى اياقتالدى. لا ليگا مەن چەمپيوندار ليگاسىنداعى جارقىن جەڭىستەرى جانكۇيەرلەر ەسىندە قالدى.
ايتا كەتەيىك, 33 جاستاعى اۆستريالىق قورعاۋشى وسى ماۋسىمدا «رەال» ساپىندا 15 ماتچ وتكىزىپ, ناتيجەلى ارەكەتتەرىمەن كوزگە تۇسكەن جوق.
ەندى ەۋروپانىڭ الدىڭعى قاتارلى كلۋبتارى ءۇشىن بۇل حابار ترانسفەرلىك كەلىسىم جاساۋعا جول اشادى. ماۋسىمنىڭ ەداۋىر بولىگىن تىزە جاراقاتى مەن ۇزاق وڭالۋىنا بايلانىستى وتكىزىپ العانىنا قاراماستان, تاجىريبەسى مول, كوشباسشىلىعى جانە امبەباپتىعى بار «جۇمىسسىز قالعان» الاباعا سۇرانىستىڭ جوعارى بولارى انىق.
ايتا كەتەيىك, الابا «رەال» ساپىندا ەكى مارتە يسپانيا چەمپيونى اتانىپ, ءبىر رەت كورول كۋبوگىن جەڭىپ الدى. سونداي-اق, اۆستريالىق فۋتبولشى «بلانكوسقا» ەكى رەت چەمپيوندار ليگاسى مەن ۋەفا سۋپەركۋبوگىن ۇتىپ الۋعا كومەكتەستى. جالپى, ول «رەال» جەيدەسىندە 131 ماتچ وتكىزىپ, بەس گول سوقتى.