بۇگىن فۋتبولدان الەم چەمپيوناتى قارساڭىندا كانادا مەن بوسنيا جانە گەرتسەگوۆينا قۇرامالارى كەزدەسەدى. كەزدەسۋ تورونتو قالاسىنداعى ستاديوندا وتەدى, دەپ حابارلايدى Egemen.kz.
مۋنديالدىڭ اشىلۋ ءراسىمىن ءۇش ەلدە وتكىزۋ جوسپارلانعان. ماتچ الدىندا ءتۋرنيردىڭ ەكىنشى اشىلۋ سالتاناتى وتەدى. ەلوردا ۋاقىتىمەن 23:40-قا جوسپارلانعان ويىندى «Qazaqstan» جانە «Qazsport» تەلەارنالارى تىكەلەي ەفيردەن كورسەتەدى.
كانادا قۇراماسى بۇعان دەيىن جولداستىق كەزدەسۋلەردە سەگىز ماتچ قاتارىنان جەڭىلمەگەن. جۋىردا ولار وزبەكستاندى 2:0 ەسەبىمەن جەڭىپ, يرلانديامەن 1:1 ەسەبىمەن تەڭ ءتۇستى.
ال بوسنيا جانە گەرتسەگوۆينا كومانداسى ۋەلس پەن يتالياعا قارسى پلەي-وفف كەزەڭىندە پەنالتي سەريالارىندا جەڭىسكە جەتىپ, تۋرنيرگە جولداما الدى. بوسنيا جانە گەرتسەگوۆينا ساپىندا «استانا» فۋتبول كلۋبىنىڭ ويىنشىسى يۆان باشيچ ونەر كورسەتەدى.
ايتا كەتەيىك, كەشە مەكسيكانىڭ «اتستەكا» ستاديونىندا الەم بىرىنشىلىگىنىڭ اشىلۋ سالتاناتى ءوتتى. العاشقى ويىندا مەكسيكا مەن وڭتۇستىك افريكا رەسپۋبليكاسى قۇراماسى كەزدەستى. ماتچ مەكسيكاندىقتار پايداسىنا 2:0 ەسەبىمەن اياقتالدى.