الماتى وبلىسىندا الىپ ىرىمشىك زاۋىتى سالىنادى

بۇل قازاقستان مەن يران اراسىنداعى ساۋدا-ەكونوميكالىق ىنتىماقتاستىقتى دامىتۋ جولىنداعى كەزەكتى ناقتى قادام.سونىمەن قاتار وتكەن جىلعى جەلتوقساندا قازاقستانعا يران يسلام رەسپۋبليكاسىنىڭ پرەزيدەنتى ساپارى بارىسىندا جاسالعان ىنتىماقتاستىق جونىندەگى رامالىق كەلىسىم اياسىنداعى ۋاعدالاستىقتاردىڭ جالعاسى سانالادى.

جىلىنا 155 مىڭ توننا ونىمگە جوسپارلانعان ءىرى جوبا الماتى وبلىسىندا سالىنادى دەپ مەجەلەنۋدە. جالپى ينۆەستيتسيا كولەمى 35,2 ملرد تەڭگە. قازىرگى ۋاقىتتا بەلگىلەنگەن اۋماقتا قۇرىلىس-مونتاج جۇمىستارى جۇرگىزىلىپ جاتىر. ايداربەك ساپاروۆ اۋىل شارۋاشىلىعى ونىمدەرىن وڭدەۋگە ستراتەگيالىق ينۆەستورلاردى تارتۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى.

«مەملەكەت باسشىسى اوك سالاسىندا وڭدەلگەن ءونىم ۇلەسىن ارتتىرۋ جانە جوعارى قوسىلعان قۇنى بار وندىرىستەردى قۇرۋ مىندەتىن جۇكتەدى. ءسۇت سالاسىن نىعايتۋدىڭ مۇمكىندىگى زور. بىلتىر قازاقستاندا ىرىمشىك پەن سۇزبە ءوندىرىسىنىڭ كولەمى 13,1%-عا ارتتى. وسى رەتتە اتالعان جوبانىڭ قولعا الىنۋى ەلدەگى قايتا وڭدەۋ ءوندىرىسىن ەداۋىر ارتتىرىپ, وتاندىق ءسۇت وندىرۋشىلەر ءۇشىن كەپىلدى وتكىزۋ نارىعىن قالىپتاستىرۋعا جول اشادى. ۇكىمەت ەكونوميكانىڭ باسىم سەكتورلارىندا ءتيىمدى جوبالاردى جۇزەگە اسىراتىن ينۆەستورلارعا جان-جاقتى قولداۋ كورسەتۋگە دايىن», دەدى مينيستر.

گولام الي سۋلەيماني قازاقستاننىڭ وڭىرلىك ازىق-ت ۇلىك ءوندىرىسى ورتالىعى رەتىندەگى الەۋەتىنىڭ مىقتى ەكەنىن ايتا كەلىپ, كومپانيانىڭ ەلدەگى ينۆەستيتسيالىق قاتىسۋدى ودان ءارى كەڭەيتۋگە قىزىعۋشىلىق ءبىلدىردى.

ء«بىز قازاقستاندى تەك جەكە جوبالاردى ىسكە اسىراتىن الاڭ رەتىندە ەمەس, ۇزاق مەرزىمدى ستراتەگيالىق سەرىكتەس رەتىندە قاراستىرامىز. ەلدىڭ اگرارلىق الەۋەتى جوعارى, گەوگرافيالىق ورنالاسۋى ءتيىمدى جانە ينۆەستيتسيالىق كليماتى قولايلى. ىرىمشىك زاۋىتىن سالۋمەن قاتار ءبىز كارتوپ وڭدەۋ جانە بالالار تاعامىن ءوندىرۋ سالالارىندا جاڭا جوبالاردى ىسكە اسىرۋ مۇمكىندىگىن قاراستىرىپ وتىرمىز», دەدى.

ينۆەستيتسيالىق كەلىسىم اياسىندا وندىرىستىك الاڭعا قاجەتتى ينجەنەرلىك ينفراقۇرىلىم جۇرگىزۋمەن قاتار, كەڭ كولەمدە مەملەكەتتىك جەڭىلدىكتەر قاراستىرىلعان.

زاۋىتتىڭ قۇرىلىسى 2029 جىلى اياقتالىپ, پايدالانۋعا بەرىلەدى دەپ جوسپارلانۋدا. قول قويىلعان كەلىسىمگە سايكەس, ينۆەستور 400 تۇراقتى جۇمىس ورنىن قۇرۋ, قازاقستاندىق مامانداردى دايارلاۋ مەن وقىتۋ, سونداي-اق زاماناۋي وندىرىستىك قۇزىرەتتەر مەن تەحنولوگيالاردى قامتۋ سياقتى ماڭىزدى مىندەتتەردى قامتاماسىز ەتەدى.

قازاقستاننىڭ يرانعا اگروونەركاسىپ ونىمدەرى ەكسپورتى 97%-عا ارتتى

سونداي-اق, 2028-2038 جىلدار ارالىعىندا كومپانيا الماتى وبلىسىنداعى جەرگىلىكتى قاۋىمداستىقتاردى قولداۋ جانە الەۋمەتتىك باستامالاردى جۇزەگە اسىرۋعا جىل سايىن 50 ملن تەڭگە ءبولۋدى جوسپارلاپ وتىر.

بۇل قازاقستاننىڭ ءسۇت وڭدەۋ سالاسىنداعى ەڭ ءىرى جوبالاردىڭ ءبىرى. ول شيكىزات بازاسىنىڭ دامۋىنا, وتاندىق سۇتكە سۇرانىستىڭ ارتۋىنا, قازاقستاندىق ءونىم تۇرلەرىنىڭ كەڭەيۋىنە جانە ەلدىڭ ازىق-ت ۇلىك قاۋىپسىزدىگىن نىعايتۋعا ىقپال ەتەدى.