Facebook, Instagram جانە WhatsApp پايدالانۋشىلارى الەم بويىنشا سەرۆيستەردىڭ جۇمىسىنداعى اقاۋلارعا شاعىمدانۋدا, دەپ حابارلايدى Egemen.kz
Facebook جانە Instagram الەۋمەتتىك جەلىلەرىنىڭ, سونداي-اق WhatsApp پەن Messenger ء(بارى دە Meta كومپانياسىنا تيەسىلى) پايدالانۋشىلارى سەرۆيستەردىڭ جۇمىسىندا اقاۋلار پايدا بولعانىن حابارلادى.
بۇل تۋرالى Downdetector سەرۆيسىنىڭ دەرەكتەرى كورسەتىپ وتىر.
الەۋمەتتىك جەلىلەر مەن مەسسەندجەرلەردىڭ جۇمىسىنداعى ماسەلەلەر تۋرالى الەمنىڭ تۇكپىر-تۇكپىرىندەگى پايدالانۋشىلار حابارلاعان. قازاقستاندا دا سەرۆيستەردىڭ جۇمىسىندا ىركىلىستەر بايقالعان.
پايدالانۋشىلار كوبىنەسە الەۋمەتتىك جەلىلەر مەن مەسسەندجەرلەردىڭ ۆەب-نۇسقاسىنا كىرە الماۋ, اككاۋنتتاردان كۇتپەگەن جەردەن شىعىپ كەتۋ, جاڭالىقتار تاسپاسىن جاڭارتا الماۋ جانە جاڭا جازبا جاريالاۋ مۇمكىن ەمەستىگىنە شاعىمدانۋدا.
Meta كومپانياسىنىڭ وكىلى ەندي ستوۋن X الەۋمەتتىك جەلىسىندە كومپانيانىڭ سەرۆيستەرگە قولجەتىمدىلىككە قاتىستى ماسەلەلەردەن حاباردار ەكەنىن جانە ولاردى جويۋ باعىتىندا جۇمىس جۇرگىزىپ جاتقانىن مالىمدەدى.
ء«بىز قايتا ورالىپ جاتىرمىز, دەگەنمەن بارلىق سەرۆيستىڭ تولىق قالپىنا كەلۋى ءۇشىن ءبىراز ۋاقىت قاجەت بولۋى مۇمكىن», دەپ جازدى ەندي ستوۋن.
مالايزيادا بالالاردىڭ الەۋمەتتىك جەلىگە تىركەلۋىنە تىيىم سالىندى