فۋتبول مەرەكەسى كاناداعا دا جەتتى. تورونتوداعى «بي-ەم-و فيلد» ارەناسىندا الەم چەمپيوناتىنىڭ ۆ توبىنداعى العاشقى ويىندى كانادا مەن بوسنيا جانە گەرتسەگوۆينا قۇراماسى باستاپ بەردى, دەپ حابارلايدى Egemen.kz
قوس كوماندا اراسىنداعى ويىن وتە تارتىستى بولدى. كەزدەسۋدىڭ 21-ءشى مينۋتىندا بوسنيا جانە گەرتسەگوۆينا ساپىنان لۋكيچ يوۆو ەسەپ اشتى.
كانادا قۇراماسى دوپقا يەلىك ەتۋ, شابۋىلداۋ جاعىنان الدا بولعانىمەن قارسىلاس قاقپاسىنان ساڭىلاۋ تابا الماي ءبىراز الەك بولدى. تەك ماتچتىڭ 79-شى مينۋتىندا ويىنعا تىڭنان قوسىلعان كايل لارين ەسەپتى تەڭەستىرىپ, جەرگىلىكتى جانكۇيەردى قۋانىشقا ءبىر بولەپ تاستادى. كەزدەسۋ سوڭىنا دەيىن قارسىلاستار تابلوعا ەش وزگەرىس ەنگىزە المادى. قورىتىندى ەسەپ 1:1. قوس كوماندا ءبىر-ءبىر ۇپايدان ەنشىلەدى.
ەستەرىڭىزگە سالايىق, بۇگىن د توبىندا اقش پەن پاراگۆاي, اۆستراليا مەن تۇركيا قۇرامالارى العاشقى كەزدەسۋلەرىن وتكىزەدى. ويىن استانا ۋاقىتى بويىنشا تاڭعى ساعات 6:00-دە جانە 9:00-دە باستالادى.
فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى