تۇركىستان وبلىسىندا پياز جيناۋ ناۋقانى باستالدى

تۇركىستان وبلىسىنىڭ سايرام اۋدانىندا ەرتە پىسەتىن كوكونىس داقىلدارىن جيناۋ ناۋقانى باستالدى. جەرگىلىكتى اۋىل شارۋاشىلىعى تاۋار وندىرۋشىلەرى پياز ءونىمىن جيناۋعا كىرىسىپ, سونىمەن قاتار قىرىققاباتتى جاپپاي جيناۋعا دايىندىق جۇمىستارىن اياقتاۋعا جاقىن. كوكونىس شارۋاشىلىعى اۋداننىڭ اگرارلىق سەكتورىن كوركەيتۋدەگى باسىم باعىتتاردىڭ ءبىرى بولىپ قالا بەرەدى.

بيىل پياز ەگىلگەن القاپ كولەمى 900 گەكتاردى قۇرادى. ءار گەكتاردان ورتا ەسەپپەن 28 توننا ءونىم الىناتىن بولسا, جالپى 25,2 مىڭ تونناعا جۋىق ءونىم جيناۋ جوسپارلانىپ وتىر.قىرىققابات 616 گەكتار جەرگە ەگىلگەن. الدىن الا بولجام بويىنشا, ورتاشا ونىمدىلىك گەكتارىنا 237 تسەنتنەردى قۇراپ, شامامەن 14,6 مىڭ توننا ءونىم الۋعا مۇمكىندىك بەرەدى.

قازاقستان رەسەيگە العاشقى قاربىز بەن قاۋىن ءونىمىن ەكسپورتتاي باستادى

قازىرگى ۋاقىتتا شارۋاشىلىقتار جيناۋ تەحنيكاسىن, لوگيستيكانى دايىنداۋ جۇمىستارىن اياقتاپ, جۇمىسشىلار توبۆن جاساقتاۋدا.فەرمەرلەردىڭ ايتۋىنشا, قولايلى اۋا رايى جاعدايلارى مەن اگروتەحنيكالىق شارالاردىڭ دەر كەزىندە جۇرگىزىلۋى كوكونىس داقىلدارىنىڭ ونىمدىلىگىنە ىقپال ەتۋدە.

وڭىردە كوكونىس شارۋاشىلىعىن دامىتۋ, زاماناۋي ءوسىرۋ تەحنولوگيالارىن ەنگىزۋ جانە اۋىل شارۋاشىلىعى ءوندىرىسىنىڭ تيىمدىلىگىن ارتتىرۋ باعىتىندا جۇيەلى جۇمىستار جالعاسۋدا.