فۋتبول حالىق ويىنى بولۋى كەرەك: ديۋگارري الەم چەمپيوناتىن سىنعا الدى

ديۋگارري سونداي-اق سوماليلىك تورەشىگە قاتىستى داۋلى جاعدايعا دا پىكىر ءبىلدىردى.

«تورەشىنى تەك سوماليلىك بولعانى ءۇشىن شەتتەتۋدە ناسىلشىلدىكتىڭ ايقىن بەلگىسى بار. بۇل مەنى الاڭداتادى. فۋتبول مۇنداي بولماۋى كەرەك. بۇل مۇلدە باسقا نارسە. فۋتبول – حالىقتىق سپورت. ال بيلەت باعالارىنا كەلسەك, ولار شەكتەن تىس قىمبات. بولىپ جاتقان بارلىق جاعدايلار ءۇشىن, مەنىڭ سۇيىكتى سپورتىمنىڭ قانداي كۇيگە تۇسكەنى ءۇشىن قاتتى ۇيالامىن. 10 جاسىمنان باستاپ ءار ءتورت جىل سايىن الەم چەمپيوناتىن اسىعا كۇتەتىنمىن. ال قازىر كەيبىر ەلدەرگە باسقاشا كوزقاراس تانىتىلاتىن ناسىلشىلدىكتىڭ شىرايىن بايقاپ وتىرمىن», دەپ كەلتىرەدى ونىڭ ءسوزىن RMC Sport باسىلىمى.

الەم چەمپيونىنىڭ ايتۋىنشا, مۇنىڭ ءبارى وعان جايسىزدىق تۋدىرادى.

«مەن ازىرگە بۇل چەمپيوناتتى ماسقارا الەم چەمپيوناتى دەپ اتاعىم كەلمەيدى. بىراق بۇعان دەيىن كورگەن جانە مەنىڭ جيىركەنىشىمدى تۋدىرعان جاعدايلاردىڭ قايتالانباۋىنا ۇمىتتەنەمىن», دەپ ويىن تۇيىندەدى.

بۇعان دەيىن اقش مەملەكەتتىك دەپارتامەنتىنىڭ وكىلدەرىنىڭ ءبىرى تورەشىنىڭ «تەرروريستىك ۇيىمداردىڭ بولجامدى مۇشەلەرىمەن بايلانىسى بار, سوندىقتان وعان اقش اۋماعىنا كىرۋگە رۇقسات بەرىلمەيدى» دەپ مالىمدەگەن بولاتىن.

ەسكە سالساق, ومار ابدۋلكادير ارتان الەم چەمپيوناتىنىڭ فينالدىق كەزەڭىنە قىزمەت كورسەتەتىن تورەشىلەر تىزىمىنە ەنگەن العاشقى سوماليلىك اربيتر بولدى. 2025 جىلى ول افريكا فۋتبول كونفەدەراتسياسى نۇسقاسى بويىنشا قۇرلىقتىڭ ۇزدىك تورەشىسى اتاندى.

فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى

سونىمەن قاتار, سومالي اقش ۆيزاسىن الۋعا قاتىستى شەكتەۋلەر قولدانىلاتىن ەلدەردىڭ قاتارىنا كىرەدى. دەگەنمەن ديپلوماتتار مەن اقش مۇددەلەرىنە ساي كەلەتىن جەكەلەگەن ساپارلار ءۇشىن ەرەكشە جاعدايلار قاراستىرىلعان.