قايرات ساتىبالدىدان الىنعان «بايسات» بازارى بىرنەشە رەت اۋكتسيونعا شىعارىلعان. بىراق بازاردى ساتىپ الۋشىلار ءالى دە جوق. سول سەبەپتى قالا اكىمدىگىنىڭ كوممۋنالدىق مەنشىگىنە ءوتۋ مۇمكىندىگى قاراستىرىلىپ جاتىر. بۇل تۋرالى مەملەكەتتىك م ۇلىك جانە جەكەشەلەندىرۋ كوميتەتىنىڭ توراعاسى نۇرماحان ادىلبەكوۆ مالىمدەدى, دەپ حابارلايدى Egemen.kz.
ن. ادىلبەكوۆتىڭ ايتۋىنشا, ەگەر نىسانداعى مەملەكەتتىك ۇلەستى ساتۋ مۇمكىن بولماسا, ونى جەرگىلىكتى اتقارۋشى ورگاننىڭ تەڭگەرىمىنە وتكىزۋ ماسەلەسى پىسىقتالادى. نىسان بۇعان دەيىن 5 رەت اۋكتسيونعا قويىلىپ, 26-28 ملرد تەڭگەگە باعالانعان.
قايرات ساتىبالدىنىڭ ۇلىنا تيەسىلى «بايسات» بازارى ساتىلىمعا شىعارىلدى
«بايسات» بازارى مەملەكەت مەنشىگى – KUVA يەلىگىنە وسىدان شامامەن 2 جىل بۇرىن وتكەن. قايرات ساتىبالدى ونى 2024 جىلعى قاڭتاردا قىلمىستىق تەرگەۋ بارىسىندا مەملەكەتكە «ەرىكتى تۇردە» قايتارعان.
بۇعان دەيىن قايرات ساتىبالدىنىڭ بيزنەس-ورتالىعى 61 ميلليارد تەڭگەگە ساتىلاتىنى تۋرالى ايتىلعان ەدى.